قال الرئيس عبدالفتاح السيسي «كان في لجنة كنا شكلناها من كام سنة والدكتور مصطفى مدبولي كان متابع الموضوع ده كويس وقولتله حجم الخسائر المباشرة اللي خسرتها مصر في 2011 وصل ل400 مليار دولار يعني 6 تريليون جنيه، خسارة 2011 عندما لم تنتبه الدولة والقائمين عليها والقائمين على بناء الوعي فيها بدورهم الحقيقي، كادت أن تدمر البلد دي كما تدمر الآخرين.. قضية خطيرة لما الدكتور اللي بيصرفلك الروشتة بتاعتك يصرف الروشتة غلط.. تاني بقولكم يامصريين يامسؤلين الحكومة.. ياناس ياللي في الإعلام.. ياناس ياللي في أي حتة لو لم يتم ضبط النمو السكاني في مصر هيكون اللي بيتعمل ده مبيتحسبش». وأضاف الرئيس السيسي خلال حديثه بحفل افتتاح عدد من مشروعات الإسكان بديل المناطق غير الآمنة «اللي بيتعمل في مصر ده بيتعمل بدعم إلهي.. اللي بيتعمل ده بدعم إلهي ومش بيتعمل بقدراتنا والله العظيم والله العظيم ده دعم إله بيساعدنا علشان إحنا غلابة فمتقعدوش ترمو بلاكو عليه على طول.. بيساعدنا ويدينا ويكرمنا وينصرنا.. هو العاطي الوهاب.. ساعدونا نآخد بالأسباب».
