تحدث عالم الفضاء المصري الدكتور فاروق الباز، عن الصعاب التي واجهها في مستهل حياته العملية، خلال لقاء خاص مع التلفزيون المصري. وقال الباز: "لما أخدت الدكتوراة رجعت مصر ومعرفتش أشتغل، قعدت سنة عاطل دون مرتب وحالتي كانت طين ومكنش معايا فلوس نروح المستشفى مع مراتي بعد ما ولدت بنتي التانية". وأضاف، أنه بعد مرور هذا العام، حصل على فرصة عمل في مجال الفلك، حيث لم يكن يعرف شيئًا عنه، لكنه عمل على تطوير نفسه. وفي إطار متصل بالحياة العامة للمصريين، أعرب الباز، عن تمنيه بتوسيع نطاق معيشة المصريين، موضحًا: "بقينا عايشين فوق بعض، لسه عايشين على مساحة 7 مليون فدان، المفروض نضاعفها 3 مرات على الأقل، تلاقي العمارات ممكن تتهد وتقع على الناس اللي فيها، مفيهاش جمال، فين المهندسين المصريين بتوع زمان، كل المباني الجديدة متهببة على عينها". وأشار العالم المصري، إلى أن إقناع المصريين بالانتقال للعيش في المدن الجديدة أمر ممكن للغاية شرط حصولهم على فرصة مناسبة: "المصريين هايلين وبيفكروا كويس، والولاد اللي بيتخرجوا من الجامعات مش لاقيين شغل ومتهببين على عينهم، بدل ما قاعدين يدوروا على واسطة يروحوا يشتغلوا".