نشطاء يقدمون النصائح لطلاب الثانوية العامة عبر تويتر قبل ساعات من امتحانهم

قبل ساعات من بدء طلاب الثانوية العامة امتحاناتهم، في جميع محافظات مصر غداً، أطلق نشطاء موقع التدوينات القصيرة تويتر، هاشتاج يحمل اسم "نصيحة لطلاب الثانوية العامة".
وكتب حامد فاروق "متتوترش والله العظيم اللي ذاكر ذاكر خلاص، ولو دخلت الامتحان ولقيت نفسك مش عارف تحل أول سؤال نصيحة مني ليك سلم الورقة وروح بيتكو، أول سؤال بيبقى أسهل سؤال"، وكتب محمود: "إياك تفقد أعصابك وإنت في الامتحان. ركز و سيب كل حاجة على ربك وربنا معاكم".
وقال عمر: "اشطب بالرصاص على الإجابة الغلط، عشان يمكن تطلع صح والمصحح يحسبها، غشوا بهدوء عشان متنرفزوش المراقب ويستحلفلكم"، وكتب آخر: "خليك حويط، لو اللي جمبك مرضاش يغششك والمراقب أخد باله.. قول له (مش هعششك يا أخي هو بالعافية)".
وعلق سرحان قائلاً: "المجموع مش كل حاجة، قبل ما تفكر ترضي طموحك و تخش هندسة، ابقى روح كلية الهندسة في يوم وشوف نظرات البؤس في وشهم"، فيما كتب آخر "موضوع التعبير عن النهضة، هأوأو اتاكلمو عن إنجازات مرسي".
وعلقت أخرى "أنا عارفة إن كل بيت مصري بيعمل كارت إرهاب لابنه أو بنته، الموضوع أسهل مما تتصور ركزوا مالكش دعوة بأي حاجة بتحصل"، و"مرسي كتب ليكم تويتة، عليه العوض فيكم يارجالة، المهم ابقو اتعلمو أي مهنة كويسة".
وقال إسلام: "نام كويس ومتزعلش أهلك وخاصة أمك علشان رضاها مهم".