نشوى مصطفى تستعيد حساب "فيس بوك" بعد سرقته: "الإخوان شبه نسوان الحواري"

قالت الفنانة نشوى مصطفى، إنها استعادت حسابها الشخصي على "فيس بوك" مرة أخرى، بعد اختراقه من بعض عناصر جماعة "الإخوان".
وأضافت نشوى، عبر حسابها على "فيس بوك": "بقول للخايبين أنا أرجل منكم، أنا صعيدية، واللي ميعرفش الصعايدة يسأل عليهم تحيا مصر.. تحيا مصر.. تحيا مصر".
وتابعت نشوى: "على سبيل العند والدماغ الحجر، وبما إني ماعنديش شغل وفاضيالكم والشتيمة بتزودني عناد، وبما إن الأقساط خلصت يعني البال رايق، وبما إني مصرية ومابخافش ولا بتهز ولا بتأثر بشتيمة، ولا بتهديدات الفئران، ميليشيات الإخوان الجبناء، اللي شبه نسوان الحواري، مفيهمش راجل بيتكلم بمنطق، فبعون الله أنا لكم، أنا بجاهد برأيي وهفضحكم".
أوضحت نشوى: "غيري من الأبطال عشاق مصر المجاهدين في سبيل الله والوطن بيتصدقوا بأرواحهم، بيسيبوا بيوتهم وزوجاتهم وأطفالهم في معية الله غير مباليين، أنتم جرذان، إذا كنتم مليون في مصر، فمصر فيها تسعين مليون بيكرهوكم والدليل الراجل فيكم يمشي في الشارع يقول أنا إخوان، نسيت صحيح انتوا بتهربوا وانتوا لابسين النقاب، حسبنا الله سيؤتينا الله من فضله إنا الى ربنا راغبون".
واستكملت نشوى: "خلوا بالكم هدف الإخوان اللي شغالين عليه المرحلة دى يسمى مخطط الحرب كذبة، يعني خططهم على السوشيال ميديا نشر اليأس وروح الهزيمة، هما شغالين على موضوع القرض بتاع البنك الدولي، وحكاية إن وزيرة الإستثمار قالت لازم نبيع بعض الأصول، أنا في الأول اتخضيت، بس لأني لما بتخض بذاكر، ولأن شوية الاقتصاد اللي ذاكرناهم بينفعوا فى الظروف اللي زى دى، فالموضوع بسيط جدا بس محتاج شرح، أنا هاقوم أعمل غدا واشطب المطبخ، وبعدين أقعد أكمل مذاكرة الموضوع.. وهارد بالمستندات اللي في التقارير المنشورة في مواقع عالمية، إلى اللقاء في حلقة المساء والسهرة".