حساسين ل"محمد رمضان": إنت بتشتغل "الغلابة" في أعمالك.. ومش حاسس بيهم

انتقد النائب سعيد حساسين شراء الفنان محمد رمضان، سيارتين بأثمان باهظة، وقال: "إن لديه رد على ما فعله رمضان، لكنه كلام صعب، مش عارف أقوله"، وتابع: أنه لا يهاجم محمد رمضان، لكن ينتقد تصرفاته، وقال له: "لماذا لم يتبرع رمضان بثمن السيارتين للفقراء، أو على الأقل نصف الثمن، أو إعمل أي مصلحة ممكن تفيد الناس، أو قدم لهم خدمة عامة، مثل مستشفى، أو غيرها".
وتابع حساسين، في برنامجه "انفراد"، والمذاع على شاشة "العاصمة": "حضرتك يا فنان مش حاسس بالناس، اللي كل أعمالك الفنية، اللي بتتكلم فيها عن الغلابة".
وأضاف: "أنت مؤدي جامد أوي، أو بمعنى آخر، بتشتغل الناس بأدوارك، وبتضحك عليهم، لأنك إذا كنت تشعر بالناس، لما كنت نشرت مثل هاتين الصورتين، إنت حر فيما ترغب فعله، بس حس بالغلابة، زي ما إنت حاسس بالنعمة اللي عندك".