وجهت الإعلامية بسمة وهبة رسالة إلى مرضى السرطان بألا يفقدوا الأمل في محاربة هذا المرض اللعين، خصوصًا بعد رحيل عدد من الشخصيات المصرية بسبب هذا المرض. كتبت "وهبة" عبر حسابها الرسمي "إنستجرام": "بقالي فترة ساكتة ومش حابة أتكلم، بس الحقيقة بعد فراق العزيز الراحل فاروق الفيشاوي وفراق الجميلة الشابة ميشال حجل وصيفة ملكة جمال لبنان السابقة بنت ال25 سنة في نفس الأسبوع وقصص أخرى زادت مشاركتها في الفترة الأخيرة عن ناس اتعلقنا بيهم لكن المرض خطفهم مننا، كل ده خلى بعض الأصوات تعبر عن فقدانها للأمل بعد سلسلة الصدمات دي، وتشوف إن التحدي مع السرطان ممكن يكون معركة خسرانة، عشان كدا قررت وبعد تفكير طويل أشارككم قصة صغيرة، البعض يعرف إني أصبت بمرض السرطان اللي هو في الحقيقة أنا وصفته أنه مش بس مرض دي معركة حقيقية، ومهما الواحد اتكلم عن معركته ورحلة المرض، هيفضل من الصعب وصف بعض اللحظات اللي عدت عليه، لحظات الألم، بس النهاردة قررت أحكيلكم الزاوية الأهم للحدوتة.. حدوتة أمل".