مسألة وقت.. عاجل بشأن أزمة الطماطم وحقيقة تصديرها للخارج

كشف أحد التجار في سوق العبور للجملة عن جديد بشأن أزمة الطماطم التي أشعلت الأسواق وشكّلت عبأً كبيرًا على الأسر نظرًا للأهمية القصوى التي يحظى بها هذا الصنف من الخضراوات بالتحديد، والحاجة الملحة لاستخدامه بشكل يومي في البيوت المصرية.
يقول عصمت أبو ضيف، تاجر مشهور في سوق العبور، إن ما يتردد عن تصدير الطماطم للخارج ما تسبب في أسعارها الجنونية الحالية وقلة المعروض منها في الأسواق المحلية، أمر عارٍ تمامًا من الصحة، ولا يمت للواقع بصلة.
ونفى "أبو ضيف" أيضا ما تردد عن إلقاء عدايات الطماطم في القمامة أو في الجبل لافتعال أزمة في الأسواق المصرية تهدف تحقيق أرباح ضخمة للفلاحين أو التجار.
السبب الحقيقي وراء ارتفاع سعر الطماطم
أوضح التاجر السبب الحقيقي وراء ارتفاع أسعار الطماطم في مصر، قائلًا: "فيه فاصل عروة.. يعني إيه فاصل عروة؟.. يعنى زرع موجود شغال بنجمع منه وبيشطب وزرع لسه بنزرعه مجمعش".
وتابع: "الزرع الجديد اللي كل ما الناس تزرعه الشتلة تبوظ بسبب الحرارة اللي محصلتش من خمسين سنة السنادي، والزرع اللي نفع مجبش إنتاج عملنا الحالى اللي احنا فيها دلوقتي".
واستكمل: "الفدان اللي كان بيجيب ألف عداية بقى يجيب 200 و 300 عداية، ده غير الناس اللي امتنعت عن الزراعة في العروة دي".
وطمأن المواطنين بقوله: "لتفادي الخسارة الحمد لله الطماطم اتزرعت كتير.. مسألة وقت وهتلاقي الطماطم مرطرطة في السوق والمشاكل هتتحل، لأن الجو اتحسن والإنتاج هيزيد محدش ليه إيد في حاجة، عوامل طبيعية من عند ربنا".
ولفت إلى أن ما يحدث الآن في الطماطم هو نفسه ما حدث في البصل العام الماضي، وحينما زاد إنتاج البصل انهارت أسعاره لأسعار الحالية.
سعر الطماطم اليوم
يدور سعر الطماطم في سوق العبور للجملة ما بين 400 و 500 جنيهًا للعداية، ويصل الكيلو قطاعي للمستهلك في سوق التجزئة بالأسعار الآتية:
– 25 جنيهًا لطماطم الكشري ذات الجودة الأقل.
– و 30 و 35 جنيهًا للطماطم عالية الجودة.


الوسوم
أزمة الطماطم أسعار الطماطم الطماطم اهم الاخبار تصدير الطماطم سعر الطماطم عاجل عداية الطماطم
تم نسخ الرابط