تامر حسني يكشف مفاجأة عن نجل محمد ثروت في مرضه.. تعرف عليها

كشف الفنان تامر حسني، عن دعمه لنجل الفنان محمد ثروت من خلال حسابه الشخصي بموقع تبادل الصور والفيديوهات "انستجرام".
كتب تامر، "أحمد ثروت صديقي وابن الفنان الغالي اوي المطرب الكبير محمد ثروت بمنتهي الحب والرضا والإيمان تقبل محنه كبيرة من ربنا انه يصاب بمرض نادر يأثر على رجله وميمشيش، وكان بيحضر لزواجة، وفي كلامي معاه قولتله انا كنت بكلمك اهون عليك والحقيقة لاقيته مش محتاج وهو من إيمانه بقضاء ربنا مهون على نفسه ونفسيته في أعلى درجات الرضا بيهزر ومبسوط، قولتله بأيدك تحول المحنه لمنحه وقالي أنا بعمل كده دلوقتي وفاهم الاختبار كويس وهنجح فيه وهخف وهمشي تاني على رجلي".
أضاف، "وفضل يحكي طول المكالمة عن حب أسرته واهتمامهم بيه واخلاص خطيبته وقد ايه الموقف بين معدنها الأصيل وازاي بتسانذه وبتسهر على رحته طول الوقت، انا كمان بشكرهم وبشكرها جدا وبحييها على قلبها وتربيتها الأصيلة".
تابع، "ربنا يشفيك يا أحمد ويفرح قلبك بقدر ثقتك العظيمة في ربنا، الثقة العظيمة الي انا شوفتها النهاردة وافرح معاك في فرحك قريب ان شاء الله، ادعوله معايا يا شباب ربنا يشفيه ويشفي كل مريض".
وتعرض المخرج أحمد ثروت، نجل المطرب محمد ثروت، لأزمة صحية طارئة، أصيب فيها بجلطة في أحد الشرايين، ونقل على إثرها إلى إحدى المستشفيات بالقاهرة.
ونشر الحساب الرسمي لأحمد ثروت، عبر حسابه الرسمي بموقع تبادل الصور والفيديوهات "إنستجرام" صورته أثناء تواجده بالمستشفى برفقة عدد من الأقارب والأصدقاء، وكتب: "بأمر الطبيب استراحة محارب.. جلطة تفوت ولا حد يموت".