على طريقة مارون 5 ساندي تفاجئ عروسين بإحياء حفل زفافهما

نشرت الفنانة ساندي فيديو لها عبر حسابها الشخصي علي موقع تبادل الصور والفيديوهات العالمي "إنستجرام".
تظهر ساندي في الفيديو وهي تفاجئ عروسين بإحياء فرحهما بعد أن تواجدت في إحدى الفنادق للتصوير، لتفاجئ بوجود فرح في حديقة الفندق، فبالاتفاق مع الفندق تقرر أنا تفاجئ العروسين وتحيي فرحهما كجزء من مشاركتهم في ليلة العمر.
ساندي تحيي حفل زفاف
ساندي عبر إنستجرام
قامت الفنانة ساندي بغناء جزء من أغانيها التي لاقت إعجاب المستمعين وأندهاشهم من تواجدها، وترحل سريعًا، وتلك التجربة كان قد قامت بها الفرقة العالمية "مارون 5" في إحدى كليباتها بعد أنا قاموا بمفاجأة مجموعة من حفلات الزفاف والغناء في الفرح الخاص بهم.
ساندي تطرح ألبوم "بعد التان"
بعد التان
طرحت ساندي في الفترة الأخيرة أولى أغاني الميني ألبوم الجديد الخاص بها "بعد التان" والتي حققت شهرة واسعة على مواقع التواصل الاجتماعي.
"بعد التان" هي أولى أغنيات المينى ألبوم الجديد الذى انتهت من تسجيله ويحمل اسم "الحالة الحالة" ويضم 5 أغنيات جميعها من كلمات وألحان عزيز الشافعى، لافتة أنه تم وضع خطة بطرح أغنية جديدة من المينى ألبوم كل 10 أيام أو أسبوعين على أقصى تقدير، وأن الأغنية المقرر طرحها خلال الأيام المقبلة هي "الحالة الحالة" من توزيع أسامة الهندى.
وفي سياق آخر كانت أخر أغنيات ساندى، "صحاب زمان" التي شاركها في غنائها مطربى المهرجانات ريشا كوستا وسمارة ناو، وتم طرحها على طريقة الفيديو كليب، والأغنية من كلمات ريشا كوستا، والكليب من إخراج يوسف محروس.
أغنية" يا صحاب زمان"
يا صحاب زمان راحت فين أيام زمان
الناس الحلوة والجيران، والله وحشتوني
إنتوا الناس الطيبين ولا غيرتها السنين
لما غيبت أنا عنكم يومين، أنا قولت إنتوا نسيتوني
في الشوارع والحواري والحكاوي ع القهاوي
اللي فيها ذكرياتي، هما دولا أغلى ناس
السعادة في البساطة وسط ناسي مافيش ألاطة
الشياكة والأناقة، هما دول أغلى ناس
هنجمع الحبايب يلا نرن ع الغايب
على اللي صاحي واللي نايم
واللي بقى له كثير ما جاش، والله كانت أيام جميلة
إمتى ترجع بس ليلة لم العزوة لم العيلة، آه
هنا حب الجدعنة والأصول هنا دول بيحبوا الخير لدول
هنا مش هتلاقي واحد يخون هنا كله تمام
في ما بينا حاجات ما بتتنسيش ضحك وهزار ما بينتهيش
هنا ناس أنا لا غيرهم ماليش وأجمل أوقات
طب عاملين إيه؟ أراضيكم فين؟
ده أنا بستنى أي مناسبة نتجمع فيها
وحشاني قعدتكم واللمة في بيتكم
ده كفاية هزارنا وأيامنا اللي أنا عايشة عليها
يا صحاب زمان راحت فين أيام زمان
(الناس الحلوة والجيران (والله وحشتوني
إنتوا الناس الطيبين ولا غيرتها السنين
(لما غيبت أنا عنكم يومين (أنا قولت إنتوا نسيتوني
كل سنة وإنت طيب إنت فين يا أبو قلب طيب
لو بعيد ومش قريب، ده إنت وحشني من زمان
إديني مسد ع الموبايل اللي بينا مش قليل
ما إنت أخويا عليّ اميل، إوعى تقطع السلام
لعب الكورة للفجرية الفرقة الجامدة المية مية
والساعة الحلوة اللي هي، هنا بيحلو الكلام
منطقتي باللي فيها كل سنتي وشبر فيها
ليّ ناس أتشرف بيها، واللي مني ناس تمام
هنا أصلي وفصلي ودنيتي
هنا شارعي وبيتي وحتتي
هنا ماضي وعمري بيبتدي
هنا مكاني ومنطقتي
هنا أهلي وناسي الطيبين
هنا عشرة قديمة ومن سنين
على الخير مع بعض متربيين
هنا كل صحابي وشلتي
تحويشة العمر في عينيكم السمر
دي الضحكة من القلب الصافية بتطلع وياكم
واحشني كثير صغير وكبير
ده مسير الأيام تجمعنا من ثاني على خير
يا صحاب زمان راحت فين أيام زمان
الناس الحلوة والجيران، والله وحشتوني
إنتوا الناس الطيبين ولا غيرتها السنين
لما غيبت أنا عنكم يومين، أنا قولت إنتوا نسيتوني.