تقدم رائد بهلول نوفل، محامي صاحب "فيديو سماح"، باعتذار نيابة عن موكله مصطفى كوخه، صاحب الفيديو الأكثر تداولًا على مواقع التواصل الاجتماعي خلال الساعات الأخيرة. وقال "نوفل" في اتصال هاتفي مع الإعلامي وائل الإبراشي ببرنامج "التاسعة" المذاع على "القناة الأولى المصرية": "هذا ليس الفيديو الأول له، وبقاله أكثر من خمس سنين بيعمل فيديوهات، ولكن أول مرة الفيديو ينتشر ويبقى تريند". وأضاف "كان عامل جزء ثاني من الفيديو، علشان يقول أن الفيديو مش حقيقي ولكن ملحقش بسبب الضجة الكبيرة اللي عملها الفيديو منذ أن قام بنشره، هو شاب صغير وكان عايز يحقق حلمه في التمثيل". وكان علق مصطفى كوخه، صاحب مقطع فيديو "سماح" قبل ساعات قليلة من إلقاء القبض عليه من قبل قوات الأمن، قائلًا "أنا بعتذر لكل الناس، كنت حابب مجال التمثيل وكنت بقدم رسالة، ولما الناس تصدقني كده يبقى أنا شاطر". وقال "كوخه" في تصريحات خاصة ببرنامج "التاسعة" المذاع على "القناة الأولى المصرية": "مفيش حد اسمه سماح، وعم شهاب والدها في الفيديو ده كان بيمثل معايا ومعندوش بنات عنده ولدين عمر وإبراهيم، والمنقبة اللي كانت واقفة جنبه ده واحد صاحبي". وأضاف "اللي قايم بدور العريس ده واحد صاحبي، والميكرفون وفرع النور كله قمت بتأجيره، والعربية بتاعة ابن خالتي، والموضوع كله كان هزار، وكنت مستني أنزل الجزء الثاني اللي بقول فيه رسالة الفيديو وأنه مش حقيقي ولكن لقيت الناس أخذته جد وبقى تريند".