"أوس أوس" عن والده الراحل: "أول يوم أعرض على المسرح وانت مش معايا" (صورة)

شارك الفنان الشاب محمد أسامة الشهير ب"أوس أوس"، جمهوره عبر موقع التواصل الاجتماعي "فيسبوك"، بصورة ظهر خلالها في حالة من الحزن على رحيل والده، وذلك في أول أيام تواجده بالمسرح، لتصوير حلقات الموسم الثالث من "مسرح مصر".
ووجه "أوس أوس" رسالة إلى والده الراحل، قال خلالها: "حبيبى يا ابويا مكانك فى المسرح هيفضل على طول موجود جوايا النهارده اول يوم اعرض على المسرح وانت مش موجود معايا زى ما عودتنى من اول ما بدأت تمثيل".
وأضاف: "وعمرى ما هنسى كلامك ليا لما قولتلى انا باجى المسرح علشان انسى تعبى واتبسط شوف كام واحد بقى بيجيلك وهو تعبان وعاوز ينسى تعبه ده معاكوا..الله يرحمك ياحبيبى وهعرض وصورتك قدامى وهبسطك باذن الله ياحبيبى".
واختتم قائلا: "ربنا يرحمك ويغفرلك وتكون فى مكان احسن بإذن الله"، وكان والد أوس أوس، قد وافته المنية منذ أيام قليلة، بعد صراع مع المرض.