تامر أمين: "مفيش بنت بتنزل الشارع ماشية على رجليها إلا وبتتروق"

استنكر الإعلامي تامر أمين، واقعة التحرش الجماعي بفتاة في الزقازيق، والمعروفة إعلاميًا ب"فتاة التحرش الجماعي"، قائلا: "إحنا بقينا وحشين أوي كده".
وأشار "أمين"، خلال برنامج "الحياة اليوم" المذاع عبر فضائية "الحياة"، اليوم الجمعة، إلى أن كل ذنب الفتاة أنها ترتدي فستان "سواريه"، مضيفًا: "البنت إتلم عليها الزقازيق كلها.. دي مش ثورة 25 يناير، ولا 30 يونيو، دي حاجة تانية مش عايز أقولها".
وسخر من حالة الزحام الشديدة حول الفتاة في الشارع، قائلاً: "اللي يشوف الزحمة دي يقول بيوزعوا فراخ في الجمعية"، متسائلا: "أين النخوة والشهامة المشهور بها المصريين؟"، موجها رسالة إلى الأباء: "متسبوش بناتكم لوحدهم في الشارع لحد ما الناس تتربى.. الواحد يخاف على نفسه ينزل الشارع مش بس بناته".
وأضاف: "مفيش بنت بتنزل الشارع لوحدها وماشية على رجليها إلا وبتتروق.. والشباب بيعتبروا لحمها أوبن بوفيه"، متوجها بالاعتذار إلى فتاة التحرش الجماعي وكل فتيات مصر على ما يتعرضون له في الشارع.