يوميات من حرير

السلام عليكم ورحمة الله
من سنتين بس كنت عايشة احلي حلم في حياتي لما خطيبي اللي هوة جوزي النهاردة وعدني باني هكون كل حاجة في حياته .. سنتين .. اتجوزنا ومفيش شفتلي يومين وابتدت الوعود بتاعة كل الرجالة تتبخر ويعفو عليها الزمن .. البيه اكتشفت انه بيموت في الستات التخينه شوية مع انه قبل الجواز كان بيقولي حافظي علي وزنك واوعي تتخني علشان امي ماتعيبش عليكي اللي هية حماتي . واضح انه عنده فصام .. المهم .. انا بطبعي مش بحب الاكل اصلا ومقرره اني مش هبقي من الستات التخان حتي بعد ما اخلف .. البيه جوزي بعد ما عشت احلي سنتين اتبدل حاله .. بقي يدخل علي النت يوميا ويصاحب بنات وستات من عليه والشات دة مش بيبطل طول وقت فراغه وطبعا انا قفشته كتير والخناق بينا لا يتوقف .. من 3 ايام تقريبا نام وهوة قاعد بيعمل شات مع واحدة من الصيع توعه وهوة ناشي اللاب مفتوح وقريت بقي البلاوي اللي هوة كاتبهولها .. البيه عامل فيها روميو وغراميات دة غير انه فاتحها دعارة علي البحري معاها .. اكتشفت انه هيموت ويمارس معاها الجنس بسب انها عملتله حاله من الاثاره لانها مليانه شوية .. طيب المفروض انا احس بايه دلوقتي او افهم ايه او اتصرف ازاي في وضع زي دة ؟ هوة نايم قدامي واللاب توب قدامي بالكلام اللي مكتوب فيه دليل ادانه وانا واقفة في النص زي عسكري النبطشية .. طيب اهبدة بحلة علي دماغه مثلا ولا انزل اجيب البيه الماذون ولا ابعت اجيب امه تقرا الهباب اللي هوة كاتبه للمحروسه صاحبته ولا انيل ايه علي دماغي ؟؟؟؟؟ حد عاقل يقولي اعمل ايه في وضع زي دة .. راجل يرد عليه بدل ما افقد اعصابي والناس ترجع تقول الستات مجانين لا الستات مش مجانين الرجاله هيه اللي تافهة وعايزين الحرق بجد .. يا استاذة نيفين ارجوكي قولي كلمة حق وردي علية وانشري رسالتي دي علشان الرجالة كمان يردو علية بردهم اشوف هيقولوا ايه بالظبط وشكرا جزيلا
ن . ع
فضفضة
محررة الصفحة .. نيفين حجازي
للاسف ليس لدي ما ادافع به عن زوجك .. دليل الادانة قاطع وواضح .. ولك حرية الاختيار في طريقة عقابه .. كعادتي معكم لا افضل الكلام من النهاية .. واميل الي التفاوض .. لكنه قطع علي خط الرجعة .. .. اعتذر منك بسبب تصرفه .. .. لكن هناك اخر فرصه .. عاتبيه .. عبري عن غضبك .. صرحي له عن جرحك منه .. ان كنتي باقية علي العشرة ومازال بقلبك ظل من حبه .. نحن نعاتب عندما يكون هناك امل في الشخص الذي مازلنا نحبه بينما لو العكس فانتي تعرفين ماذا ستفعلين .. اخشي ان تكتبها يدي .. حبيبتي .. اعتذر منك .. كثيرا .. زوجك حقا اخطا في حق كرامتك لكن من اجل عامين لم يمر عليهم الكثير اعطي الفرصة ولو الاخيرة بحديث من حقك ان يكون غاضب جدا واسمعيه ارجوكي .. من اجل تمسكك به الذي المسه من بين سطور رسالتك .. و غضبك هذا ليس من غيظك بقدر ماهو من حبك له .. اعلم كيف تكون مشاعر الغيرة وجرح كرامة امراة .. لكن اعرف اكثر منهما كيف يكون الحب واعلم اكثر واكثر كيف يدار العشق .. من فضلك .. كوني هكذا .
[email protected]