محمد بغدادى يكتب : نهضة عرجه ... شعر عامية

أصرخ يا صوت ويااااااا دم سيل .. ما تخافش من ضرب المسيل ...
ردد هتاف ..محناش ضعاف ..ولافينا حد خلاص ذليل ...
اطلب قصاص ... دا مفيش خلاص ...ولا غيره نقبل شئ بديل ...
سب النظام .... شد اللجام ... وارمح بخيلك فى النجيل ....
مفهاش هزار ..ارفع شعار .. هنرد للشهدا الجميل ...
وبأيد فى ايد ..نقدر اكيد .. ولا يبقى فى شئ مستحيل ...
اصرخ يا صوت ..رج البيوت ...طالب بأسقاط النظام ....
ما يمهناش نتصاب نموت ..او حتى نخسر ايه وكام ...
اقفل بيبان ..كل الميدان ..نظم لجان وانصب خيام ....
لو يجرى ايه ..استنى فيه ..اوعاك تفض الاعتصام
هات للزعيم ..كل القديم ..وافضح جماعته المسلمين ...
النحس دار يهدم عقار ..يقلب قطار البدرشين ...
والحزن ساد .. جو البلاد ...لابسين سواد عالميتين ...
حتى الرغيف .. اصبح خفيف .. والصرف يروى العطشانين ..
والكل شاف الاختطاف والبلطجية المجرمين
اصرخ يا صوت ..رج البيوت ..عايزين رئيسنا يكون امين ....
لا فى يوم يبيع ..يبعد يديع ..ولا يبقى له مالتابعين ..
ارمى الطبنجه و شد مانجه .. دى نهضه عرجه بدون دليل
والكل قالها مصر برجالها هيجيب جمالها هنجيب له فيل
أصل البلدى قد التحدى من جد جدى ولألف جيل
والشعب نازل من المنازل عشان يطالب بالرحيل