آسف ياريس تنشر سيناريو حوار "مبارك" مع الثوار

نشرت صفحة أنا آسف ياريس على موقع التواصل الإجتماعى فيس بوك سيناريو لحوار الرئيس السابق حسني مبارك مع الثوار على حد تعبيرها قائلة :_
قالهم الآخوة المواطنون _ أهانوه وحطوا على صورته الجزم ، قالهم مطالبكم حق مشروع _ صعدوا المطالب أكتر !
قالهم المجهود اللى صنعه الشباب هيتسرق _ قالوا أحنا عملنا ثورة ، وهنعرف نحافظ عليها .

وتابعت الصفحة خلال تديونة لها عبر الفيس بوك :"قالهم دماء شهدائكم وجرحاكم لن تضيع هدراً _ قالوا ببقولنا شهدائكم يعنى مش معترف بيهم !! وللعلم اول من وصفهم بالشهداء هو الرئيس مبارك ، قالهم لكل نظام سياسي حكم مصر أنجازاته وأخفاقاته _ قالوا 30 سنه فساد !! ، قالهم لقد تعلمت شرف العسكرية والولاء للوطن _ قالوا عميل !
قالهم أفنيت عمري دفاعا عن أرضه وسيادته، شهدت حروبه بهزائمها وانتصاراتها، عشت أيام الانكسار والاحتلال وأيام العبور والنصر والتحرير _ قالوا يعنى أنت حاربت لوحدك ده إذا كنت حاربت أصلا ، قالهم الآخوان هينقضوا على السلطة _ قالو مبقناش نخاف من فزاعة الآخوان ، قالهم أستجابتى لمطالبكم واضحة _ قالوا أرحل يعنى أمشى !
قالهم هعيش وأموت على أرض مصر _ قالوا نخترع موقعة الجمل ! ، قالهم هترك السلطة بعد تسليمها تسليم أمن فى 6 شهور _ قالوا ناو ، قالهم أخشى من الفوضى وانهيار الوضع الآمنى والآقتصادى _ قالوا بيهددنا وبيخيرنا بين الفوضى او الآستقرار ، قالهم لن أسمح بالتدخل الآجنبى فى شؤون مصر _ قالوا وإحنا خدنا دورات تدريبية فى الخارج علشان نسقط نظامك ! ، قالهم الآمر ليس متعلق بحسنى مبارك وإنما متعلق بمصر _ قالوا مصر هتبقى أحسن من غيرك !
قالهم سيحكم التاريخ على وعلى غيرى وقرر تخليه عن منصبه _ قالوا مبروك يا مصر ! ،قالهم لقد تنحيت عن منصبي واضعاً مصالح مصر وشعبها فوق اى اعتبار قالوا " مخلوع " ، قالهم ليس حسنى مبارك من يلطخ شرفه العسكرى بالمال الحرام قالوا سرق 70 مليار !! ، قالهم أوافق على تقديم أى مكاتبات أو اى إجراءات تسهل الكشف عن أى أموال لى فى الخارج أو الداخل _ قالوا تلاقيه هربها القمر ! .
وإختتمت الصفحة : وقال فى أخر كلماته " بلادي وإنْ جارت عليّ عزيزة وأهلي وإنْ ضنّوا عليّ كرامُ " .