بعد نجاح مسلسلها.. منى زكى توجه رسالة إلى فريق عمل تحت الوصاية

نشرت الفنانة منى زكى تعليقا عبر صفحتها على موقع التواصل الاجتماعى فيسبوك توجه من خلاله رسالة الى فريق مسلسل "تحت الوصاية" الذى قامت ببطولته فى رمضان الماضى.
وقالت منى زكى، في تعليقها : "مع انتهاء موسم رمضان حابه أوجه الشكر لجمهوري في مصر والوطن العربي كله على كل التشجيع والحب اللي وصلني منكم.. شكرا لكل شخص أخد من وقته وكتب كلمة حلوة عن مسلسل #تحت_الوصاية.
وأضافت: أحب كمان أوجه الشكر لناس كتير جدا بداية من المخرج العظيم محمد شاكر خضير اللي عارف اللي في قلبي تجاهه وقد إيه هو فنان موهوب وعنده رؤية وحساس جدا.. وعلى المستوى الشخصي إنسانيته تفوق أي شيء أنا شوفته قبل كده، أنا بأدين له بكل الفضل على أي حاجة حلوة في المسلسل.
منى زكى
وتابعت منى زكى، قائلة: "بشكر المنتج الكبير محمد السعدي وشركة ميديا هب، وخالد وشيرين دياب على الفكرة والموضوع والإبداع اللي مش جديد عليهم وبيبهرونا في كل عمل جديد بمواضيع مهمة، ومدير التصوير المتميز بيشوي روزفلت اللي قدّم صورة عالمية.. وأحمد حافظ المونتير العالمي اللي اتشرفنا بوجوده معانا، والإشراف الفني و الديكور للمهندس محمد عطية اللي موهبته طاغية في الوطن العربي كله، والشاطرة مصممة الأزياء ريم العدل والموسيقي التصويرية للمبدعة ليال وطفه و بشكر مساعدين الإخراج على تعبهم ومثابرتهم.. وقسم الإنتاج وعلي رأسهم المنتج الفني هاني عبد الله وكل رجالته.. ومهندس الصوت إسلام عبد السلام.. وال acting coach رامي الجندي، ومساعدتي الشخصية شيماء.. وطبعا فريق وكالة جينجر".
تغيير النهاية.. أسرة مسلسل جعفر العمدة تعود للتصوير مجددا
محمد رمضان على القمة ويلاحقه شيكو .. إيرادات الأفلام فى أول أيام عيد الفطر
أول تعليق من نادية الجندى بعد تصريحات زينة عنها.. تفاصيل
قلدت رمضان وطولها مفأجاة وتمسح أحذية ضيوفها.. طقوس زينة الغريبة في التصوير
منى زكى
وواصلت منى زكى: "وقبل أي حاجة بوجه الشكر طبعا لزمايلي في المسلسل اللي كلهم معجونين موهبة ولولاهم مكنش #تحت_الوصاية ظهر بالشكل ده.. حقيقي هما كتلة من المواهب المتحركة وعاشقين للفن من أكبر حد فيهم لحد البنوتة الصغيرة اللي فاجئتنا كلنا.. وأخيرا مش ممكن أنسى أهالى عزبة البرج وأجدع صيادين في مصر.. واللي حسسوني أني بقيت واحدة منهم طول فترة استضافتهم لينا".
وأخيرا قالت منى زكى : "حقيقي فرحت بتعليقاتكم وتفاعلكم مع المسلسل، وأتمنى إنه يكون نقطة بداية لإعادة النظر في قوانين الوصاية وإعطاء الأمهات الحق في أولادهم.. الزمن بيتغير والأوضاع بتتغير والمرأة والأم والزوجة مش عنصر هامشي، دي الأساس اللي قايم عليه كل البيوت، وهي الأصل في حياة أولادها.. وكذلك الأب.. لذلك نتمنى من المشرّع إعادة النظر في مسألة الوصاية وفي بنود كتير في قانون الأحوال الشخصية عشان نحفظ حقوق الأولاد والآباء والأمهات.