الحرامي سرق أمي وقطع جلابيتي وأنا نايمة .. اعترافات الطفلة ضحية الأميرية

أحال المحامي العام لنيابات غرب القاهرة متهما إلى الجنايات لهتك عرض فتاة صغيرة والتحرش بها بالأميرية
اعترافات الضحية
س/ما هي تفصيلات حدوث الواقعة محل التحقيق ؟
ج/ اللي حصل اني كنت نايمه في الاوضه بتاعتي و في الاوضه التانيه اللي جنبي علي طول امي واخواتي نايمين وصحيت مفزوعه من النوم حسيت بصوت نفس جنبي بيقرب مني كان عاوز يبوسني وقعدت اصرخ لقيت امي جت وحضنتني وقالتلي ايه اللي حصل حكيتلها راحت قالتلي متخافيش مفيش حاجه حصلت بمزاجك اوعي تضايقي حصل خير وببص لقيت هدومي متقطعه من عند الصدر وكمان مقطوعه من الخلف من الناحيه اليسري وبعديها اتصلنا بالنجدة وجيت وعاينوا البيت و بعدين ماما ملقتش التليفون بتاعها ولا الفلوس وروحت القسم عملت محضر وهو ده كل اللي حصل .
س/ متى واين حدثت تلك الواقعة ؟
ج/الكلام دة حصل في شارع ابراهيم الشعار من محمود ابو زيد الاميريه
س / من كان برفقتك أنذاك حال حدوث الواقعه ؟
ج / كان معايا امي وأخواتي
س/ وما سبب ومناسبة تواجدك بمكان حدوث الواقعه وتوقيته ؟
ج / احنا كنا نايمين في البيت
س/هل شاهد احد الواقعة حال حدوثها ؟
ج/ لا
س/ما الذي حال دون ذلك ؟
ج / لان الوقت كان بليل وكنا نايمين
س/هل من ثمة كاميرات مراقبة بمحيط المسكن محل الواقعة ؟
ج / لا مفيش كاميرات في الشارع بتاعنا خالص
س/ ما هو عمرك تحديداً ؟
ج / انا عندي سته عشر سنين وعشر شهور
س ما هي كيفية حدوث الواقعة ؟
ج / هو تمكن من دخول الشقه اللي احنا ساكنين فيها انا و اخواتي ووالدتي من خلال نافذة غرفة نومي وهو اكيد فتحها ومعرفش فتحها ازاي ودخل علي الغرفة اللي كانت نايمه فيها
س/من هو مرتكب الواقعة ؟
ج الشخص اللي موجود هنا دلوقتي
س/ ما هي مدة تلك الافعال ؟
ج/ انا اول ما حسيت بنفس بيقرب من خدي وحاجه زي مقص بتخبط في جسمي قمت علي طول واول ما قمت شفته ولقيتة بيجري ونط من الشباك
س/ هل من ثمة حوار دار فيما بينك وبين المتهم ؟
ج/ لا انا اول ما اخدت بالي واستيقظت من النوم وشفته هو جري
س/ هل استطالت يد المتهم الي ايا من مواطن عفتك او عورتك ؟
ج/ انا كنت حاسة وانا نايمة ان فيه حاجة بتخبط في صدري وكمان لقيت الجلابيه مقطوعه من عند صدري ومن وراء من بداية من رجلي لحد ظهري
س/ ما التصرف الذي بدر منكي حال ذلك ؟
ج/ انا قمت من النوم مفزوعه وقعدت اصوت وماما جتلي
س/ هل من ثمة قوة او تهديد مارسها المتهم حيالك ؟
ج/ لا انا اول لما شفته جري ونط من الشباك
س/ هل من ثمه ايحاءات او تلميحات جنسيه اتي بها المتهم حيالك ؟
ج/ هو حاول يبوسني وانا حسيت بنفسه بيقرب من خدي وانا نايمه
س/ هل قام المتهم بتجريدك من ملابسك التي كنتي ترتديها ؟
ج/ ايوه وقطع الجلابيه اللي انا كنت لبساها
س/ هل قاومتيه حال ذلك ؟
ج/ انا ملحقتش لاني اول لما حسيت اتفزعت وقومت وشفته ولما شفته هو جري ونط من الشباك
س/ هل تركت افعال المتهم اي اثر بجسدك او احدث بكي اي اصابات ؟
ج/ لا
س/ ما هو دافع المتهم من وراء ارتكاب تلك الافعال ؟
ج/ اكيد كان قصده الاول السرقة ولما لقي بنت نايمه فقال انه يبوسها علشان هو شاب والله اعلم كان عاوز يعمل ايه تاني
س/ هل كانت تتجه ارادة المتهم الي ارتكاب تلك الأفعال ؟
ج/ اكيد ايوه لانه عمل كده وانا اصلا كنت نايمه واول لما حسيت وصحيت هو شافني وجري وانا صوت .
س/ هل قام المتهم بالتجرد من ملابسه ؟
ج/ لا لاني اول لما شفته كان لابس هدومه كلها وجري ونط من الشباك
س/ ما هي الملابس التي كنتي ترتديها حال حدوث الواقعه ؟
ج/ كنت لبسه جلابيه بكم طويله واسعه لونها اخضر في اسود وفيها رسومات بني
نص أمر الإحالة
جاء بأمر الإحالة أن المتهم هتك عرض المجني عليها الطفلة بالقوة بأن باغتها حال غطها في نومها، حال حمله أداة تستخدم في الاعتداء على الأشخاص (محل الاتهام الثالث)، حال كونها لم تبلغ 18 سنة.
كما تحرش المتهم بالمجني عليها الطفلة بأن تعرض لها بمكان خاص (مسكنها)، وكان ذلك بقصد الحصول على منفعة ذات طبيعة جنسية بأن قام بإتيان الأفعال محل الاتهام الأول كما أحرز أداة تستخدم في الاعتداء على الأشخاص (مقص حديدي) بدون مسوغ قانوني من الضرورة المهنية أو الحرفية.