قصة حب سامة.. شاهد لحظة تقبيل شيرين يد حسام حبيب قبل دخول المستشفى

لازالت أزمة المطربة شيرين عبد الوهاب، تتصدر مواقع التواصل الإجتماعي فيس بوك ومحركات البحث فى جوجل، وخاصة بعد مداخلة المطرب حسام حبيب أمس مع الإعلامي عمرو أديب لكى يتحدث لأول مرة عن أزمته مع شيرين وحقيقة ضربه لها.
ومع تصريحات حسام حبيب أمس ومحاولاته خلال حديثه مع عمرو أديب لتحسين صورته أمام الرأى العام، وجه بعض رواد مواقع التواصل الإجتماعي اللوم إلى شيرين نفسها بأنها هى السبب الأول فى أزمتها الحالية بالتغاضى عن كل ما تعرضت له فى علاقتها مع حسام حبيب، والذى أكده والده اليوم بتصريحاته ضد ابنه حسام، وأكدوا أن علاقة حسام حبيب وشيرين عبد الوهاب أكتر "علاقة حب سامة" عرفها الوسط الفني، فالكل فيها خسران.

ومع تداول هذه الأراء، قام عدد أخر بنشر مجموعة من فيديوهات شيرين عبد الوهاب وهي تتغزل فى حسام حبيب قبل الأزمة الأخيرة، وفيديو قاموا بنشره وهي تقبل يديه أمام الجمهور على الرغم من أنهما كانا على خلاف قبل هذه الحفلة، وهو ما اعتبره رد فعل غريب من شيرين على علاقتها مع حسام حبيب.

والد حسام حبيب يكذب تصريحاته
وقال والد حسام حبيب عبر صفحته على موقع التواصل الاجتماعى فيسبوك: "أنت بتقول لما رجعت ليها العربية، واحد بيشتغل معاها أخد العربية اللي ب 5 مليون وقالها هابقي أديكي بيها شغل، وواحد محاسب تعرفه قريب شكالها حاله أعطت له 100 ألف دولار وخلع، وأنها بتكتب شيكات للناس على بياض.. أنت كده بتدي مبرر لأهلها ليحجروا عليها وبتطلعها أنها سفيهه وعبيطه وأنا من معرفتي بيها إنها واعية وناصحة، بتيجي تكحلها تعميها.. اسأل أبوك يقولك تقول ايه، أنت بتقول أنك عمرك ما أخدت منها فلوس وأهلها عايشين على قفاها وأنك ما بتشتغلش أربع سنين كنت عايش على قفا مين!.

والد حسام حبيب يكشف تفاصيل حياة نجله مع شيرين
وأضاف والد حسام حبيب : "هي قالت لي يابابا أنا عايزه أتجوز راجل يصرف عليا وقلتله عايزك تشتغل وتصرف على بيتك عشان تكبر في نظر مراتك وتحترمك، الحب وحده لا يكفي، اخدت مني مليون جنيه عشان تشطب فيلتك وما تعيش في بيت مراتك وها اردهملك.. ومن ساعة ما اتطلقت، وأنا بصرف عليك ورايح تقول لعمرو أديب وتهاجمني لتاني مره أنك ماتعرفنيش من 14سنه.. ما بتعرفنيش إلا للمصلحة وعشان تاخد فلوس وما دخلتش بيتى سبع سنين، وجيت بس تاخد فلوس وقلت ما بتشتغلش عشان شيرين ومشاكلها كانت شغلاك بقالك سنه مطلقاها ما اشتغلتش ليه بطل حجج وخليك راجل.. أنت فعلا مش تربيتي أنت تربية واحدة ست طلعت من بيت مامي على بيت مراتك يا أخي عرتنا".