قعدت تعيط في الشارع.. الفنانة الراحلة دلال عبدالعزيز تحكي أغرب موقف تعرضت له | نوستالجيا

حلت النجمة الراحلة دلال عبد العزيز في لقاء قديم من تقديم الإعلامية هالة سرحان والمُذاع على فضائية "ART" ، حيث تحدثت عن أقرب صديقة لها في الوسط الفني وكشفت خلال حديثها عن أغرب موقف تعرضت له .

قالت الفنانة الراحلة دلال عبد العزيز: "ميرفت أمين أقرب صديقة ليا في الوسط الفني لأني اتعرفت عليها وأنا جديدة خالص في بدايتي وكنت وقتها مش مشهورة فكانت واقفة معايا وبتشجعني و كانت بتخدمني من قلبها ".

وسردت الراحلة دلال عبد العزيز موقفًا غريبًا تعرضت له قائلةً: "كنت في مرة خارجة من مبنى التليفزيون مكنتش عارفة أنا همشي يمين ولا شمال فكنت محتارة أوقف التاكسي أنهي ناحية فقعدت أعيط في الشارع عشان مكنتش عارفة أعمل إيه ".

وتابعت :" كنت خايفة أسأل أحسن حد يقول دي تايهة فخوفت حد يأذيني فا لاقيت كده فنانة لا داعي لذكر اسمها فهى شافتني في مسرحية " أهلًا يادكتور" فا لاقتني واقفة على باب مبنى التليفزيون بعيط فسألتني مالك يا دلال ؟ فقالتلي ده إنتي لازم تعدي طب تعالي معايا أنا رايحة العجوزة فنركب تاكسي سوا واخليه يوصلك ".

وأكملت :" فا أنا كنت بشاور للتاكسي فقومت لاقيتها بتنزل إيدي وبتزقها وتستنى العربيات الملاكي وألاقيها بتوقفهم ".
وصرحت الراحلة دلال عبد العزيز، أن هذا الموضوع تم أخذه بصورة سلبية من قبل أحد الصحفيين بأنها تتظاهر بسذاجة والحقيقة عكس ذلك لأن هذا الموقف حدث في بدايتي وأنا صغيرة.

وذكرت: "لاقيت الفنانة دي وقفت عربية ملاكي وكان سائقها شاب ولما قلتلها إحنا هنركب؟ قالتلي بطلي بقا شغل الفلاحين ده وأنا كنت بتضايق أوي لما كان حد يقول بلاش شغل الفلاحين ده وكأنها وصمة أو حاجة عيب بس أنا كنت فخورة بأني من الفلاحين لو الناس المودرن بيتصرفوا كده ".