عمل أصعب معادلة في التاريخ .. الإعلامية أسماء شريف منير توجه رسالة مؤثرة لوالدها

وجهت الإعلامية أسماء شريف منير رسالة مؤثرة لوالدها الفنان شريف منير عبر صفحتها الرسمية على انستجرام.
وقالت شريف :" سيبكوا تماما من إنه أبويا بس عاوزة أقلكم رأيي فيه كممثل هو عمل أصعب معادلة في التاريخ وهي حفاظه على مكانته " .
وأضافت : "بحترم فيه جدا قوة رفضه حتى لو كانت الظروف بتجبره على إنه يشتغل إنه زيه زي أي حد عنده بيت وعيال ومصاريف بس ده مخلاهوش ينحت ".
وتابعت :" بيتعب جدا في شغله وبيبذل مجهود في تفاصيل الشخصية اللي بيلعبها صبغ شعره أصفر اهتم بصحته ولعب رياضة عمل ست بكل تفاصيلها واتعلم رماية ، ركوب خيل ، دروس عبري عشان ولاد العم ".
ولفتت إلى أن شريف منير من الفنانين القلائل الذين لا يمانعون في العمل مع مخرجين جدد أو ممثلين شباب .
وتابعت: 'الراجل ده فضل صامد ومحافظ على مستواه من ساعة ما بدأ لحد النهاردة وعدى عليه ناس كتير جدا وهو لسة محتفظ بمكانته الخاصة ".
وواصلت أسماء حديثها قائلة : "أحب أشكره على مجهوده اللي عمله في حياته كلها ، أنا بفتخر إن اسمي على اسمه ".
وعن علاقتها به كأب قالت أسماء:" أكتر واحد بيتخانق معايا وبيسمعني صاحبي جدا وبخاف منه احتراما ليه ، مرعب جدا على فكرة".
وتطرقت أسماء لموقف طريف مع والدها قائلة : مرة جوزي كان بيحضني قدامه جريت ونسيت إنه عادي.. حنين وصارم وطيب ".