الرئيس السيسي للإعلام:" احذر وانت بتتكلم عن بلدك للشعب".. فيديو

أكد الرئيس عبدالفتاح السيسي، على أهمية الاستقرار والأمن للشعب المصري، قائلا:" احنا لما بنتكلم عن الاستقرار والأمن أهميته لينا كمصريين واحنا مش بنخوف الناس.. الإعلام يخلي باله ياجماعة".
وأضاف "الرئيس"، موجها كلمته للإعلام، في احتفال افتتاح حقل ظهر، اليوم الأربعاء، قائلا:" انتو عشان تتكلموا عن دولة اوعى حد يزعل من اللي هقوله.. انتو عاوزين تتعلموا سنين طويلة أوي، لأنك بتاخد فكرة الدولة بتعملها عاوز تديها ببساطة للمواطن في الشارع ياما هتديله حاجه غلط تيأسه، لأنك بتوصف الموضوع على قد معرفتك".
وتابع:"التحدي الموجود في بلادنا في كل البلاد التي فيها عدم رضا الناس، هي أن الناس ماكنش متوصفلها سبب ضياعها وتخلفها، وبيقولوا ليهم حاجات غير الحقيقة.. الحقيقة عاوزه جهد وشوية قسوة على نفسنا ولم يوصف ليهم بالشكل ده".
واستطرد:"فاكرين لما اعمل قوى سياسية حقيقية في مصر هي اللي هتبقى مسئولة عن الدولة بعد كده، لازم تتجهز وتتعلم صح، عشان تعرف يعني ايه دولة لأن بكلمتين نضيع بلد، بقرار اخده ممكن اخرب بلد".
واستكمل، موجها، حديثه للإعلاميين:" وانت بتتكلم عن بلدك مع شعبك احذر ، لما تكون بتكلم نفسك انت حر قاعد مع اصحابك تعدي، لكن وانت عاوز تكلم شعب خلي بالك من كل كلمة بتقولها، إذا كلنا مؤمنين بالله وهنقابله، والكدبه والفتنه تؤدي لضياع دولة وتخلي الشعب ده زي الشعوب التانية اللي قاعدة النهارده تحدد مصيرها خارج بلادها، وتترمي في البحار ومعسكرات اللاجئين.. قلت أفكركم وأفكر كل مصري بيحب بلده مش بيزايد ومش بيكابر هو فيه مصلحة بعد بلدك.. محتاجين وقت كتير اوي".