عندما يقول المفتي إن إفشاء أسرار البيوت علي وسائل التواصل الاجتماعي ضد الشرع وله آثار كارثية فهو يقصد بذلك الرغي في الفاضية والمليانة علي الفيس بوك، فمن خلاله نعرف مثلا أن مدام سلوي طبخت بامية، وأن زوجها توفيق ما بيحبش البامية أُرديحي لكن أكلها غصب عنه واتخمد. وان تامر ابنهم فاشل في الدراسة. وأن داليا آخر العنقود كبرت وخرطها خراط البنات وبقت علي وش تحرش. وبعد شوية تقول: الصداع ما بيسبنيش من النكد. حد يعرف وصفة مربة البدنجان؟ توفيق وقع في حفرة ودي صورة رجله في الجبس. اللي ييجي عليا ما يكسبش. عايز تعرف إيه تاني عن بيت توفيق؟