طول عمري شيالة هموم

السلام عليكم ورحمه الله وبركاته احب اشكركم على مجهوداتكم العظيمه تجاهنا انا سبق وفضفضت لكم وافدتونى لكن هذه المره انا تعبانه محمله بالهموم محبطه مصدومه حيرانه قلقانه مع عدم الاحساس بالامان والخوف من بكره فى حياتى بغض النظر عن الاسباب لانى لوحكيت محتاجه سنه من الحكى انا الاخت الكبيره وشياله هموم العيله زى ما بيقولو بجانب هموم حياتى الزوجيه انا مش عارفه اكبر دماغى زى ما بيقولو من كل الهموم دى انا مليش صحاب ولا بجب احكى لبابا وماما علشان هما مرضى ده انا بحاول اخفف عنهم واشيل معاهم هموم اخواتى انا عندى اخ 25 سنه واخت فى الكليه انا مصدومه بجد طيب انا راضيه الحمد لله وبصلى وبصوم وبحاول ارضى ربى على قدر ما استطيع ومع كل ده انا مازلت مقصره بحق ربى المفروض اعمل اكتر من كده بكتير انا فكرت ادعى على نفسى يارب خدنى وارحمنى بس لقيت ان بعد الموت مش راحه بالعكس ده حياه تانيه بتحاسب فيها طيب بس انا حسا انى مقصره وبصراحه مش عاوزة اروح لربنا وانا مقصره طيب اعمل ايه هفضل كده فى الدنيا مش مرتاحه الحمد لله على كل حال انا خايفه مقدرش اتحمل انا فعلا مش قادره اتحمل وبستغفر ربنا على طول هو يمكن يكون ده ذنب انا مش ملاك اصلا انا طبعا غلطت بس خلاص ده كان زمان ولما كبرت وفهمت وفكرت فى نفسى زمان استعيبت نفسى اوى وبحاول اكفر عن اى ذنب عملته بس هو يمكن ال بيحصلى من مشاكل او ضيق نفس ان ربنا بيخلص منى ذنوبى انا حسه ان محدش هيفهم منى حاجه بس انا مليش حد اتكلم معاه وانا فضفضت لكم لعل ارتاح قليلا حتى لو مردتوش عليا انا هعذركم لانى عارفه انكم مش هتفهمو كلامى لانى مش وضحت لكم مشاكلى بس انا اقصد المشاكل الحياتيه عموما ويكفى انى وجدت من افضفض له وشكرا لكم واعانكم الله وادعولى
صديقتنا العزيزة
بدايةَ الأحساس بمن حولك احساس جميل وراقي يفتقده بعض الناس في عالمنا ولكن لا تجعليه شقاءُ لك وأجعليه سعادة تعود عليك وعلى من حولك بدون أن تغرقي نفسك في مشاكل غيرك وتنسي نفسك وبيتك فعليك أن توازني, الأمر الثاني بالنسبة لاحساسك الدائم بالتقصير فلما تأخذيه على أن الله يسلط عليك ذنوبك فالبعكس يا صديقتي فأنت عزيزة على الله لذا من عليك الله بنفسك اللوامه التي تعاتبك على كل امر هذه نعمة يغفل عنها البعض فشكري الله عليها وأجعليها حافذ لك دائمًا إلى الأفضل.
وتذكري قول الله تبارك وتعالى "بسم الله الرحمن الرحيم" قل يا عبادي الذين أسرفوا على أنفسهم لاتقنطوا من رحمة الله. " صدق الله العظيم"