خبز الفوكاتشا الإيطالي

أعدّها لكم: نيرة أحمد
النهارده هنعمل مع بعض خبز الفوكاتشا الإيطالي، وممكن تقدّميه في الفطار مع الشاي أو النسكافيه.
خبز الفوكاتشا الإيطالي
المقادير:
عبوة خميرة جافة
كوب ميه دافية
2 ملعقة كبيرة زيت زيتون
3⁄4 ملعقة صغيرة ملح
1⁄4 كوب دقيق سميد
4 ملعقة صغيرة روزماري
23⁄4 كوب دقيق
الطريقة:
1- اخلطي الخميرة والميه بمضرب اليد مع بعض، وبعدين ضيفي عليهم زيت الزيتون والملح وقلّبيهم مع بعض كويس، وبعد كده ضيفي عليهم دقيق السميد، واستمرّي بالتقليب لحد ما الخليط يتجانس.
2- ضيفي عليهم نصف كمية الروزماري، وضيفي الدقيق واخلطيهم كويس مع بعض لحد ما العجينة تتماسك، وبعد كده رشّي على العجينة نسبة بسيطة من الدقيق، وابدأي اعجنيها بإيديكي، وبعدين ادهنيها بنسبة بسيطة من زيت الزيتون لحد ما تتماسك (كرّري الخطوة دي لو حسيتي إن العجينة محتاجة).
3- حطّي العجينة في طبق غويط، وضيفي عليها نسبة بسيطة من زيت الزيتون، وغطّيها ودخّليها فرن مطفي لمدة من ساعة إلى ساعتين لحد ما يتضاعف حجمها.
4- هاتي صينية وادهنيها بزيت زيتون، وبعدين افردي عليها العجينة وغطّيها بكيس بلاستيك وسيبيها لمدة من 15 إلى 20 دقيقة.
5- شيلي الكيس البلاستيك وادهنيها بزيت زيتون من على الوش، وبعدين ابدأي اعملي فيها فتحات بأصابعك، وبعدين دخليها فرن مطفي للمرة الثانية لمدة 45 دقيقة أو لحد ما يتضاعف حجمها.
6- طلّعي الصينية من الفرن، ورشّي عليها من على الوش باقي كمية الروزماري، وادهنيها بنسبة بسيطة جدا من زيت الزيتون، وبعد كده دخلي الصينية فرن درجة حرارته 240 درجة مئوية لمدة 15 دقيقة، وبعدين طلّعيها من الفرن وسيبيها تبرد شوية، وقدّميها.. وبالهنا والشفا.

خلصت وصفتنا النهارده..
استنونا كل يوم مع وصفات جديدة..
سلام،،