….(( مش منك ))….بقلم : د / عمر عبد الجواد عبد العزيز

يبقي مش منك
عينه عليك
مستني.. غلطه منك
لا يهمه أمرك
و لا عمره يوم
يدافع عنك
اللي يشمت فيك
يبقي مش منك ….
أصله عدو لدوود
يقيم داخل الحدود
و لو يوم عليك يجود
يبخ سمه جنب منك .
اللي يشمت فيك
يبقي مش منك ….
واجب منه تحرص
و لا ليه ابدأ تخلص
حقده عليك بيزيد
ما ينقص
غصب عني و عنك
اللي يشمت فيك
يبقي مش منك …..
كل بلد فيها عملاء
مأجورين
ما عندهم ولاء
دينهم الدولار بسخاء
و كل همهم
يسمعوا زنك
اللي يشمت فيك
يبقي مش منك
مهما كان
في الإنجاز إعجاز
سواء ميه كهربا أو غاز
عنده فنكوش و ألغاز
يعملك إحباط
في أبوك و إبنك
اللي يشمت فيك
يبقي مش منك
عمر الأرض ما تنضف
من الدوود لازم تتجرف
تحرثها تحرسها
تتصرف …و خبثها
ترميه بعيد عنك
اللي يشمت فيك
يبقي مش منك
★★★★★★★★★★