مستحيل ...... قصيده بقلم مرفت حموده

تكون كده
والدماء بتسيل بحار
بين ده وده
مستحيل علشان طمع
تجار لدين
ننسى أرض وعِرض
ونضيع سدى
مستحيل نترك بلادنا
لخد وهات
والعدو مستنى نخضع
وفى سكات
يا مصرى فين
عزة النفس الآبية
أرفض الاحسان
خلاص الصبر مات
مستحيل الآم تفقد أبنها
تتقتل فرحة سنينها وعمرها
لازم الارهاب ندمر قوته
لجل مابلادنا تعاود مجدها
مستحيل ننسى اللى ماتوا على الحدود
وأفتدوا بطهارة دمهم أرض الجدود
مهما طال الدهر ماحننسى الشهيد
مصر فى قلوبنا على مر العهود