رأي صادم ل مريم فخر الدين في عادل إمام وفاتن حمامة.. شاهد

حلت الفنانة مريم فخر الدين، ضيفة على برنامج "الليلة"، مع الإعلامية د.هالة سرحان، والمذاع عبر القناة الفضائية ART، سنة 1998.
وقد وجهت "هالة سرحان"، بعض الأسئلة ل الفنانة مريم فخر الدين، حول أرئها فى الألقاب الفنية، وجاءت إجابتها بالصادمة، نظرًا لشدة صراحتها.
اقرأ أيضًا.. (صورة) مريم فخر الدين في طفولتها.. عاشت مسلمة ومسيحية ووالدها رفض التمثيل
إليكم نص الفيديو:"
مدام مريم حضرتك بردو قريبًا أثارتي ذوبعة، إنك قولتي رأيك بصراحة فى برنامج"خليك فى البيت" مع الزميل زاهي حواس، وشهيناز فى تلفزيون المستقبل، وكانت سبب الذوبعة، حديثك على ألقاب الشاشة، بالنسبة ل سيدة الشاشة فاتن حمامة، وأستاذ عادل أمام، إعترض تمامًا، قولتي إيه بقى ورأيك إنتي مازلتي مصرة على رأيك؟.
طبعًأ أمال هتراجع، اذا كان أنا رأيي صح، أقولك ليه فى ألقاب مستفزة، يعني مثلًا سيدة الشاشة العربية، طب أنا مثلًا مريم فخر الدين، شادية تطلع إيه، جرابيع أحنا الأتنين جربوعات الشاشة العربية، هند رستم تطلع إيه، ماجدة الصباحي تطلع إيه، سعاد حسني تطلع إيه، أهي دي بقي الريسة بتاعتنا وإحنا العوالم اللى بنغني وراها ولا إيه.
تجيب الأفلام نتفرج عليها، دعاء الكروان من أحلي الأفلام، اللي أنا بحب أتفرج عليه، إنما أنا عندى رد قلبي، والأيدي الناعمة، ولا أنام، كنت انا وفاتن، كلنا عندنا حاجات كتيرة جداً، ماجدة الصباحي، كفاية عندها جميلة أبو حريد، شادية، عندها المرأة المجهولة وحاجات عظيمة الحقيقة، يعني مفيش داعى أبداً، فى ألقاب مستفزة، وفى ألقاب جميلة، يعني مثلًا العندليب الأسمر ياختي عليه، كان فى أياميها فى عبد الوهاب، وكان فى فريد الأطرش، مقالش أنا ملك الطرب قال أنا العندليب الأسمر، يعني فى ألقاب جميلة، وبعدين فى أمريكا كان فى مارلين مانرو، حد قال عليها ملكة السكس بتاعت أمريكا، يعني محدش قال عليها أى لقب.
إنتي قولتي يوميها ل الزميل زاهي وهبي بصلح الأسم، جالك مكالمة
معاه على الهوا من الفنان الكبير عادل أمام؟
الفنان عادل أمام، هو ممثل زينا، وبيعرف يرفع حاجب ويقفل حاجب، ويفتح بقه ويكشر، ممثل زى أي ممثل يعني بإختصار، أنا بهاجم لقب، ولو هو هيعمل مسرحية سيد الشغال، طيب ما نقول عليه سيد الشغال يعني بدل الزعيم، ما هو قال على نفسة الزعيم، هو الزعيم فى المسرحية بتاعته.
وكوكب الشرق بقي؟
كوكب الشرق بقى سيدة الغناء العربي، حاجة زي سيدة الشاشة العربية، حد قدر فى الدنيا يفتح بقه ويوصل لأم كلثوم أبدًا لا يمكن هي تستاهل اللقب ده، أنما سيدة الشاشة العربية
دى كلنا زيها، كلنا في الخية.
وردت الفنانة مريم فخر الدين، خلال الحلقة على رأي الفنانة نهى العمروسي في "عادل أمام" قائلة:" كلنا لينا مواقف دى بلدنا وبنحبها، واللي يعرف يعمل حاجة بيعملها،
كلنا لينا مواقف، عمل إيه يعني طلع الأنجليز!
عمل إيه يعني؟ مش مثل وأخد أجره، وأنا مثلت وأخدت أجري، وأنا في النقابة، وهو في النقابة، وكلنا في النقابة، مفيش حد أحسن من حد كلنا بنعمل اللي ربنا مدهولنا، أنا زمان ربنا كان مديني أقدر أمثل في حتة واسعة دلوقتى بقت دايقة، معلش مش زعلانة، يعني مش إشكال يعني بالنسبالي.
لمزيد من أخبار الفن.. أضغط هنا