فيديو..أحمد موسي عن طوابير كحك العيد: الوضع بقى خطر جدًا

عرض الإعلامي أحمد موسى، فيديو لتجمع عدد من المواطنين في أحد البنوك، وأحد المحلات لشراء كحك العيد، حيث ظهر الكثير منهم غير مرتدين للكمامات، بالإضافة لعدم الالتزام بقواعد التباعد الاجتماعي.
وقال الإعلامي أحمد موسى، في برنامج «على مسئوليتي» على قناة «صدى البلد»: "شايفين الطابور اللي الناس واقفة
فيه مفيش كمامات ومفيش قواعد التباعد ولا إجراءات احترازية، الناس بتتعامل مع الموقف عادي جدًا الوضع بقى خطر جدًا ولكن الناس تقريبًا مش بتحس بالخطورة ولا الحالة اللي احنا فيها".
وأضاف: "أحد البنوك شايفين كام واحد واقفين قدامه
وكام واحد منهم لابس كمامة، كل دي أسباب حقيقية لزيادة الأعداد وهتزيد تاني أكثر وشايفين الناس اللي بتشتري الكحك اشتروا ولكن بإجراءات وضوابط محددة، وربنا يحفظنا جميعًا".
وتابع: "احنا بالفعل بنتعايش ولكن لابد أن نتعايش باجراءات احترازية، الإجراءات الجديدة بداية من أول أيام العيد هتكون قرارات جديدة ولابد من الالتزام بها لأن طول ما احنا مش ملتزمين بالإجراءات هنبقى في خطر".