سلط عدد من مشاهير الفيس بوك الضوء على حالة شاب يُدعى "أحمد" ، وذلك بعد وفاته قبل يومين ، حيث كتب تدوينة قبل وفاته ب3 شهور يكشف فيها معاناته لعدم تلقي العلاج المخصص لحالته . وقال الشاب في تدوينته المنشورة : "جدير بالذكر اني بتعالج من الكانسر في التأمين الصحي(المبرة)، المهم بعد ما خلصت الجلسات المقررة من الكيماوي، الدكتور قرر ابدأ في العلاج الموجه (المناعي) وبما ان العلاج غالي جدا فدخلنا في اجراءات معينة اتعرضت ع لجنة وبعتوا الورق والاشعات للقاهرة لعرضها ع لجنة اخري، طيب يا جماعة العلاج هيجي امتي؟ وقت شهر ونص!! أنا مقدم ورقي من شهر 7 ولحد دلوقتي مجاتش حاجة وآخر رد ان اللجنة رفضتني ولازم اعيد الاجراءات لان العلاج مبيجيش من اول لجنة!! طبعا سبق وحصلتلي مشكلة في رجلي الاتنين ولحد دلوقت بعاني منها وده كله لاني اتاخرت عن العلاج 12 يوم بس! لان الورم خلال الوقت البسيط ده كبر وضغط عالحبل الشوكي، وانا لو لسه مستني التامين دون اي خطوة مني، الله اعلم مصيري كان هيبقي ايه، بعد محاولات وتوفيق من الله قدرت اجيب اول جرعة ع حسابي والتانية والموضوع مكلف جدا، طيب بالنسبة للغلابة اللي مش بيقدروا ع تمن العلاج او حتي التصرف في جمعه يعملوا ايه؟! يموتوا حسبنا الله ونعم الوكيل في الروتين والاهمال دعواتكم اقف ع رجليه زي الاول، وارجع شغلي، ويشفيني ويعافيني". وعلق الكاتب الصحفي تامر أبو عرب أمس قائلًا: "أحمد مات النهاردة .. ربنا يرحمه ويعوضه خير عن شبابه .. بس لحد امتي اللي مش معاه فلوس مش هيلاقي فرصة علاج محترم وبلد بتحترم حياته؟".
