مي سليم تطرح أغنية «تراكمات» على طريقة الفيديو كليب

أطلقت الفننة مي سليم أغنيتها الجديدة تراكمات على قناتها الرسمية بموقع يوتيوب وجميع منصات الموسيقى المختلفة، والأغنية كلمات أحمد عيسي، وألحان مدين، وتوزيع ومكس وماستر يحيي يوسف، وإخراج عبدالله صبري.
وتقدم مي سليم في أغنية تراكمات اللون الدرامي في تجربة موسيقية مختلفة بالنسبة لها، لا سيما أنها لم تقدم هذا اللون الغنائي منذ سنوات طويلة، رغم نجاحها الكبير في هذه النوعية من الأغاني عندما قدمتها في ألبوماتها الأولى، اذ تدور فكرة «تراكمات» عن الوجع التي تمر به المرأة بعدما وصلت العلاقة مع حبيبها إلى طريق مسدود.
كلمات أغنية «تراكمات»:
لا انا سايباك كده فجأه.. ولا قصرت مره معاك
بلاش تعملي متدمر.. وقال ايه يا حرام ظالماك
دا بعد تأني ودراسه.. وقلبي اللي معاك قاسي
فضلت احسب ف غلطاتك.. لقتها ملتلي كراسه
تراكمات.. تراكمات.. ومش قادره اعدي حاجات
وهي المره دي بالذات.. ومخي خلاص قفل تربس
وغلطات.. وكدب كتير اوي وحوارات
تكونشي واخد عليا شيكات.. بجد صحيح حاجه تنرفز
مفيش مره بتنصفني.. رهاني عليك طلع خسران
دي اخر مره هتشوفني.. وتسمع صوتي فيها كمان
وليه مصدوم كده مالك.. جزاءك جنس اعمالك
بتسأل ايه اللي غيرني.. اجابتي اهي هقولهالك.
يذكر أن آخر أعمال مي سليم الغنائية، أغنية «اتعلقت بيه» التي أطلقتها على طريقة الفيديو كليب في عيد الفطر الماضي، لتكون أول أغانيها في عام 2025، وهى من كلمات خالد ڤيرناس، ألحان ياسر نور، توزيع عمرو عبدالفتاح، ماستر ماهر صلاح، وصورت مي الأغنية في تركيا مع المخرج زياد خوري واستغرق التصوير يومين كاملين.