الإعلامية نجوي إبراهيم: أنا عندي 80 سنة وعندي سرطان وهموت قريب

قالت الإعلامية نجوى إبراهيم، إن النفس إمارة بالسوء، موضحة بأن الدنيا دائما تظهر على حقيقتها عندما ينطفي الضوء على نجم من العاملين في نفس المجال والمشاهير.
وأضافت نجوي إبراهيم عبر برنامج «بيت العز» في ردها على بعض الكومنتات التي تنتقدها: «عندي 80 سنة وغلبانة وعيانة وعندي سرطانات وعاملة 7 آلاف عملية وهعتزل وهموت قريب، هدوا نفسكم والنبي والله مش عشاني، أنا مش جاية أربي عيالي أنا جاية فرحانة بيكم ومبسوطة بيكم وبتشرف بكلامي معاكي حبوا بعض شوية وشغلوا العقل شويه».
واستكملت: «أول مرة أقرأ كومنتات كتير جدًا على حاجة نزلت، يا نهار أبيض على اللي اتقال، ما تروحوا يا جماعة تتعالجوا.. إنتوا عايزيني أعتزل؟ ما ضروري الواحد يعتزل هو هيقعد طول العمر يكلمكم؟ ممكن أعتزل الأسبوع اللي جاي لإني اتخنقت مش عمر آخر عمر الواحد ياخد ده كله بالراحة على نفسكم.
وأختتمت: «الناس بتستكر على غيرها الابتسامة وليه لازم كل الناس اللي بتضحك يبقى عندها ملايين؟ ما تقولوا الحمد لله.. يا رب أبقى زيه وباسم الله ما شاء الله، ومن شر حاسد إذا حسد، انتو إيه اللي يريحكم أعتزل».