«اتصدمت» سمية الخشاب تعلق على ظهور شيرين عبد الوهاب حليقة الشعر (فيديو)

علقت الفنانة سمية الخشاب، على ظهور الفنانة شيرين عبدالوهاب، ومفاجأتها للجمهور ب«قص» شعرها بشكل كامل، مشيرة إلى أنها صدمت عندما رأتها لأول مرة.
وقالت سمية الخشاب خلال لقائها ببرنامج «حبر سري» المذاع على شاشة القاهرة والناس: «لما شوفتها وهي حالقة شعرها أنا اتصدمت، لأن زمان لما تقص شعرها كان بيكون جوزها مات في الحرب فبتقص شعرها حزن عليه، والتصرف دا ليه كذا تفسير نفسي، وشيرين جميلة بشكلها وإحساسها وإحنا بنعشقها وهي قوية لأنها برج الميزان».
وأضافت: «ممكن تكون عايزة تنتهي من حياة تعبت منها، وعايزة تموتها وتنساها، ودا رد فعل طبيعي أو ممكن يكون رد فعل نفسي عنيف دون تفكير بسبب غلطة ومش عارفة هي رايحة فين وقراراتها صح ولا لا، في كل الأحوال محدش يستاهل تتخلي عن شعرك، دا إحنا بنقعد سنين عشان يطول».
جدير بالذكر أن آخر أعمال سمية الخشاب هو مسلسل «موسى»، بطولة محمد رمضان، سمية الخشاب، عبير صبري، رياض الخولي، سيد رجب، صبري فواز، منذر رياحنة، هبة مجدي، وعدد آخر من الفنانين، تأليف ناصر عبدالرحمن، وإخراج محمد سلامة، وتدور أحداثه في إطار من الدراما الصعيدي.