الشرنوبي يطرح «قلبي ارتاح»: «بعد حرب ومحاولات عنيفة إن الأغنية ما تنزلش»

طرح المطرب محمد الشرنوبي، منذ قليل، فيديو كليب أغنيته الجديدة «قلبي ارتاح» عبر قناته الرسمية بموقع الفيديوهات الشهير «يوتيوب»، حيث سجل هذه الأغنية ليهديها إلى زوجته راندا رياض، التي تعمل مديرة أعمال المطربة أنغام.
ونشر الشرنوبي فيديو عبر صفحته الرسمية بموقع الصور والفيديوهات «إنستجرام» معلقًا: «بعد حرب ومحاولات عنيفة إن الأغنية دي ماتنزلش وماتبقاش موجودة.. لقيت إن ده الڤيديو الوحيد اللي موجود من فرحي ودي حاجة أنا من حقي كأنسان إني أشاركها مع أي حد حابب أشاركه فرحتي، وأكيد مفيش أهم ولا أحسن منكوا أشاركوا أحلى وأهم لحظات في حياتي».
وتقول كلمات الأغنية: «عرفت معنى الحب إيه، أول ما جت عيني في عينيه، لقيت في حضنك اللي عايزه من الحياة، لقيت في حبك قلبي عايش بس ليك، وعد إني عمري هعيشه ليك، قلبي وروحي بين إيديك، هنسى اللي فات، من اللحظة دي عمري ابتدى نستني قوام، تعب الأيام، مش فارقة هموم دنيا بحالها دانا قلبي ارتاح».
فكرة كليب الأغنية هي إظهار المشاهد الحقيقية من حفل زفاف المطرب محمد الشرنوبي وزوجته راندا، ليظهر لها مدى حبه.
«قلبي ارتاح» من غناء وألحان محمد الشرنوبي وكلمات محمد يسري وتوزيع مصطفى الحلواني والفيديو كليب من إخراج عادل جمال.
View this post on Instagram
بعد حرب ومحاولات عنيفة ان الاغنية دي ماتنزلش وماتبقاش موجوده.. لقيت ان ده الڤيديو الوحيد اللي موجود من فرحي ودي حاجه انا من حقي كا انسان اني اشاركها مع أي حد حابب اشاركه فرحتي واكيد مفيش اهم ولا احسن منكوا اشاركوا احلى واهم لحظات في حياتي الفيديو دلوقتي موجود على يوتيوب واللينك في ال BIO وطبعاً لسة هيبقى محاولات ان الفيديو يتمسح والاغنية ماتبقاش موجوده
A post shared by محمد الشرنوبي (@sharnouby) on Sep 17، 2020 at 9:02am PDT