نجيب ساويرس يتحدث عن ليليان داوود وأحمد مراد وسد النهضة

قال المهندس نجيب ساويرس، رجل الأعمال والملياردير الشهير، إنه يتمنى عمل مشروع خيري كبير يتذكره به الناس بعد رحيله، حيث إنه لم يعد يريد جني المزيد من الأموال، موضحًا أن هذا العمل من الممكن أن يكون القضاء على الفقر في مصر.
وأضاف، في مقابلة له مع برنامج «القاهرة الآن» على قناة «الحدث»: «حابب يكون مفيش أي فقراء في مصر، حققت كل اللى نفسي فيه وعاوز أعمل حاجة خير كبيرة زي نقضي على الفقرلأني كنت معتبر الفلوس تديك قوة لعمل الخير لذلك عاوز أعمل حاجة تخلي الناس تذكرني بيها».
وتابع ساويرس أنه يتمنى إنشاء وزارة تحت مسمى وزارة القضاء على الفقر يكون لها وزير وتُوضع لها ميزانية محددة وتكون مهمتها فقط القضاء على الفقر، مطالبًا بالاستفادة من تجارب الصين في ذلك.
ورداً على سؤال أن عام 2018 لطشت معاه هل كانت 2019 أفضل قال «صحيح 2018 لطشت معايا لكن 2019 افضل بسبب الذهب والحرب التجارية لترامب: «أشكر ترامب على مشاكله وعك أردوغان ورئيس وزراء بريطانيا فرفع اسعار الذهب وده فرق معانا».
وحول السياسة قال: «لست قلق على مستقبل مصر حيث أن مصر بلد قوي فات عليها الزمن وبيعدي عليها حاجات كتيرة بس هيا قوية فيه حاجات كتيرة مش عجابني دلوقتي نحتاج مزيد من الحريات ونفتح القنوات وندي فرصة للنقد والراي والراي الاخر حتى شباب السوشيال ميديا لازم نسيبهم ينفسوا عن أنفسهم هما مش لاقيين شغل»
وحول اعتذاره للكاتب أحمد مراد قال: «إعتذرت لاحمد مراد لاني قرأت تصريح أن روايات نجيب (دقة قديمة) ولما تحدث وقال تحريف تصريحاتي إعتذرت أنا بحب روايات نجيب محفوظ جداً وقرأتها كلها».
وحول أزمة ليليان داوود قال «ليليان داوود كانت عاوزه تاخد بونط والي عاوز يدخل في خناقة معايا اهلا بيها أنا مارضيتش امشيها لما كنت صاحب القناة وهما كانوا عاوزين يمشوها ولما بعتها قالت ليا فلوس كنت بعت القناة أديتها فلوسها غم أني مش مالك القناة وبعدين عاوز أققلها خليكي في لبنان طول الوقت حاطه نقرها من نقر مصر إلى عاوزة خناقة معايا مش هيعدي».
وحول أزمة سد النهضة قال «الموقف الاثيوبي غير مقبول فيه عنجهية غير مفهومة لماذا ترفضون إطالة فترة مليء السد ايه المشكلة بمعرفتي برئيس الوزراء الاثيوبي هو رجل محب للسلام وأنا مستغرب من موقفه وأنهي على خلافات قبلية كبيرة والقتال مع أرتيريا وقعدت عنده تلات ايام وجه عند مصر وطلع تصريحات غريبة لو هطلع مليون واحد أثيوبي إحنا نطلع 10 مليون مصري».