#تعليمك_وداك_فين هاشتاج تصدر موقع التدوينات القصيرة «تويتر»، صباح السبت، وتباينت ردود أفعال المغردين في ما كتبوه بكلماتهم القصيرة. وكتب حساب حمدي: «في مكان بحبه الحمد لله»، بينما ذكر أبوهنا: «تعليم إيه أنا بقالي 10 سنين متخرج اشتغلت في أماكن مفيش فيهم حد بص في الشهادة ولا سأل عليها أصلا»، وأحمد التركي رأى: «صحيح أنا ليا بيزنس خاص بس من غير التعليم مكنتش هتحرك فيه ملي واحد». وعلق محمد مصطفى على الهاشتاج: «على القهوة»، وأسماء: «قعدني في البيت»، بينما ذكر عبدالحميد: «في مكانة كويسة ورزق بسيط الحمد لله»، وقال كريم: «ودانى إني بشتغل حاجات ملهاش أي علاقة باللي درسته خالص». وعلى صعيد متصل، ذكرت داليا عوض: «على الأقل خلاني أعرف أعامل وأرد وأفكر وأخد قرار وأساعد نفسي وأتطور»، بينما كتبت شريف محمد: «وداني في المكان الصح أعمل الصح في الوقت المناسب مع الناس المناسبة للهدف العظيم وصلت»، وأكد طه: «التعليم مش بيوديك التعليم بيوصلك لحد السلم وأنت وشطرتك».