بالفيديو.. خالد علي: «قانون الانتخابات تأخر عشان الباشا»

انتقد خالد علي، المرشح الرئاسي السابق، الحملات الدعائية للمشير عبد الفتاح السيسي، وزير الدفاع، التي تطالبه بالترشح لانتخابات الرئاسة، واعتبر تأخر صدور قانون الانتخابات الرئاسية يعود إلى الانتظار لمعرفة هل سيترشح «الباشا» أم لا، على حد قوله.
وأعلن «علي» في مؤتمر صحفي، الأحد، بنقابة الصحفيين، عدم مشاركته في انتخابات الرئاسة المقبلة، حيث وصفها ب«المسرحية»، وقال: «حد فينا يجرؤ إن صورة ليه تتعلق على كوبري 6 أكتوبر أو في الشوارع بحملة دعائية وورق مقوى، السيد المحافظ (محافظ القاهرة) مغمي عينيه، ورئيس الحي مغمي عينيه، والصحفيين مغميين عينيهم، ماهو أنتو خايفين، لاء إحنا مش خايفين».
وأضاف: «إحنا مش ضد أي قائد عسكري كان في الجيش المصري (اللى بنحترمه وأنا أول واحد بحب الجيش المصري، وكنت أتمنى أبقى ظابط في الجيش)، إنه يترشح لكن إبعد سنة عن الجيش، الإعلام والصحافة والناس تتعامل معاك باعتبارك بشر بتعمل تصرفات صح وغلط يقدروا ينتقدوك عليها».
وتابع: «سامي عنان وأحمد شفيق كانوا مترشحين.. عشان طول الوقت تقولوا إن محدش عاوز الجيش يترشح، طول الوقت بيحتموا بالجيش وبيخلوه درع وكأن مطالبنا ضد الجيش مطالبنا أطماعكم الشخصية في السلطة».
وقال: «أبعدوا عن السلطة سنة بدل ما الإعلام خايف ويكون للناس تنتقد وتقول»، في إشارة إلى المشير عبد الفتاح السيسي، معتبرًا «كل اللى بيطبلوا وبيرقصوا لسامي عنان لما كان ررئيس أركان كانوا بيطبلوا لحسني مبارك.. وهما اللى بيرقصوا دلوقت».
وتهكم خالد علي من تأخر صدور قانون انتخابات الرئاسة بقوله: «مقعدينا أكتر من شهر عشان تطلعوا قانون الانتخابات (الرئاسية) عشان تستنوا الباشا يشوف يترشح ولا لاء».