عيد بورسعيد القومى

بورسعيد
أحلى حاجة فى البلد دى
واحنا مبنعرفش خوف
زى ما المركب تودى
شيلة روحها عالكفوف
هات عرابى وقوم يا جدى
نسلكم أصبح ألوف
بورسعيد كام ألف غاندى
ياللى عاشق طوف وشوف
إللى مش جندى وجندى
عالتراب بالدم يمضى
   م.. ص.. ر.. ى
عالفؤاد أغلى الحروف
حيث إن بورسعيد
أحلى ما فى الجمهورية
زى كم من الصبايا
إنما هى بهية
رغم مرِّنا والظروف
شبك شبكها
شبك الجيران
كل عاشق كان ياسين
بحر فاض من الحنان
والحمام غنى لمين
والله يا ذكرى وزمان
كل شىء كان الرصاص
والسواعد بندقية
كنت بحضن المكان
والمكان بيحسّ بيَّا
بِدِّى أقول فيكى واعيد
100 نشيد عالسمسمية
سامى عبدالبارى
المصرية اللبنانية للحديد والصلب