شيرين عبد الوهاب تكشف حقائق صادمة عن ممارسات حسام حبيب: "مش عاوزني أعمل أي حاجة في حياتي غير أبقى قاعدة قدامه بس"

كشفت الفنانة شيرين عبد الوهاب حقائق صادمة عن حياتها مع طليقها حسام حبيب،قائلة:" مارس معي كل أشكال الابتزاز.. مش عاوزني أعمل أي حاجة في حياتي غير أبقى قاعدة قدامه بس".
وتابعت خلال مداخلة هاتفية خلال " برنامج " كلمة أخيرة " الذي تقدمه الإعلامية لميس الحديدي على شاشة ON": لو رحت عملت حفلة أو فرح ناجح ينكد عليا ويقلي كنتي ماسكة الراجل كده ليه.. والواد بيعمل معاكي كده ليه ؟.. ولو عملت إعلان ناجح زي إعلان بنك مصر.. وأبقى تريند والناس مبسوطة بيا لازم هو ينكد عليا ويبوظ اليوم ".
وقالت:"تم طلاقنا بعد حلق رأسي وكانت طلاقا بائنا وبعد أن هدأت من الكارثة شعرت أني لا أستطيع الاستغناء عنه ولازم أديله فرصة تانية وأن ماينفعش نبعد عن بعض بفجر في الخصومة وكنت مؤمنة أن العلاقة مقدسة وكنت بحبه وفاكراه ابني مش جوزي وعملتله إستوديو لشغلنا وقمت بشراء كل الأغاني التي أعجبته بشيكات باسمي عشان ماترحش منه ".
وكشفت تعرضها للتنمر من حسام حبيب قائلة: بعد ماعمل كل ده ألاقيه بيتهمني ويتنمر عليا ويقلي تخنتي وبقيتي شبه أمك.. وأنا عاوز واحدة أتباهى بيها قدام الناس تبقى حلوة ورفيعة وكلام من ده بخلاف الخناقات التي تعرضت فيها للضرب والسحل على الأرض وشتيمة عمر مافي إنسانة تقلبها على نفسها "

وواصلت: لما تم طلاقي رجعتله واديته فرصة أخرى بشروط، وأن يكون هناك أمر مختلف، وكان بيتردد على بيتي عشان فيه أستوديو تحت البيت وقتها وبينا شغل وحاولت أهيأ البنات أنه لازال موجودا لحد ما تلاشت الوعود مجددًا ورجعت المشاكل وقلة الأدب بلا سبب "
واستطردت: " أنا عندي مشكلة إني لما بتعصب بوصل لليفل صعب ممكن أذي نفسي.. ودكتوري ممكن تكلموه تسألوه ونصحه بتركي لفترة حتى ولو ربع ساعة أو أني أدخل أوضتي شوية لحد ما اأهدى،، لكن هو أصر في كل خناقة يفضل قدامي يحرق في دمي وأعصابي لحد ما أمسك الماكينة وأحلق شعري ".
وردًا على سؤال لميس الحديدي كان عايز يوصل لإيه في الآخر قالت:" أنا كنت فوق ولازلت وهو كان تحت ولما معرفش يطلعلي فوق حاول ينزلني تحت... وده تحليلي لكل اللي حصل "
وأتمت: آسفة على اللهى عملته في نفسي وبناتي وجمهوري اللي كان مقتنع إني مش على مايرام وكنت بطلع أقول كلام غير الحقيقة".
وكشفت أنها اتجهت للغناء يوم أن كانت حليقة الرأس حتى لا يصاب بناتها بعقدة قائلة: طلعت غنيت عشان بناتي مايتعقدوش لأني كنت قرعة ".