«ضعف عمرها مرتين».. أسما إبراهيم تكشف فارق العمر الحقيقي بينها وبين زوجها

كشفت الإعلامية أسما إبراهيم عن فارق العمر بينها وبين زوجها، وذلك خلال استضافتها في أحد البرنامج، والذي يصل إلى قرابة ضعف عمرها مرتين وقت الزواج.
وقالت أسما إبراهيم: "اتجوزت وأنا صغيرة جدا كان عندي حوالي 22 سنة، والفرق بيني وبين جوزي كبير حوالي 40 سنة، حسيت معاه إني لقيت أب لكن أنا دايما عمري ما شفته بابايا طول الوقت بحس أنه صاحبي الجدع".
وأضافت حديثها قائلة: "حياتي كانت مقفولة أوي برفض ارتبط وأنا في الجامعة قلقانة من الارتباط مش عارفة ليه لحد ما اتعرفت على جوزي، حد حسيت معاه بأسلوبه وبطريقته حسسك أن تمام وانضم للناس اللي بتدلعك، أنا كنت بشوف نماذج سيئة حواليا جوازات فاشلة وعلاقات مريضة كان عندي حالة رعب مش عايزة أعيش دا".
أقرا ايضا| رمضان 2025| طارق النهري ينضم ل«المداح 5» بطولة حمادة هلال
وكشفت أسما إبراهيم عن فترة انفصالها عن زوجها، موضحه: " إحنا سيبنا بعض انفصلنا فترة حوالي سنتين ونص أو تلاتة ودخل في حياتي ناس الفترة دي وخرجوا منها وفضل هو اللي موجود أب لولادي وبيحاول يقوم بدور أب ليا والحبيب المخلص والزوج الداعم والصاحب اللي ممكن أحكيله كل حاجة أنا رحت حكيلته أنا ارتبط بفلان".
وتابعت: "وقت ما انفصلنا أنا ارتبطت خطوبة، ولما حكيلته إني ارتبطت قالي جربي وشوفي أنا بس عايزك تكوني مبسوطة لأني أنا وعدتك من أول يوم أن أهم حاجة عندي أنك تكوني مبسوطة جربي وأنا معاكي في أي حاجة".
واستكملت: "أكتر فترة حاسه فيها بأمان دلوقتي، إحنا انفصلنا عشان أنا سمحت لناس تدخل في حياتنا فخربوا البيت، عشان كده لما رجعنا أخدت عهد على نفسي مش عايزة حد يتدخل في حياتي، لما انفصلت أول مرة مكنتش مشهورة لكن دلوقتي مش ذنب جوزي ولا أولادي إني مشهورة".