خاص|محمود التهامي لجأت للقانون بعد تجاهل هاني شاكر.. والنقابة زورت الحقيقة

بعد هجوم الشيخ محمود التهامي نقيب المنشدين، على نقابة المهن الموسيقية واتهامها بتجاهل المنشدين، واهتمام النقيب الفنان هاني شاكر بالمهرجانات أكثر.
صرح الشيخ المنشد محمود التهامي لبوابة أخبار اليوم عبر مكالمة هاتفية ردًا على التصريحات التي أطلقها ضد نقابة المهن الموسيقية وقال "أن بداية الأزمة كانت عندما فوجئت من سنة ونص إن عندي قرار إيقاف من نقابة المهن الموسيقية روحت أشوف قرار الإيقاف دا ليه قالولي انت كان عندك حفلة في أسوان ومسددتش الرسم النسبي كان يوم 27/12" .
وأضاف التهامي أيضًا " أنا شهر 12 كله مسافرتش أسوان أصلا وأنا راجل منشد ديني معروف لو أي حفلة لي علي مستوي الجمهوريه الناس كلها بتكون عارفة وبيبقي في تصريح أمني وفي استعدادات ومصر كلها والعالم كله بيبقي عارف والله"
وأضاف تهامي أيضًا: " فى اي حفله .. هاتوا مستنداتكم الي تثبت الكلام ده ...وبعدها لقيتهم بيقولولي من الآخر كدا موضوع مقترح قانون نقابة المنشدين اللي أنت متقدم بيه لمجلس الشعب ، ومن هنا عرفت إن الموضوع تلكيكة لي علشان خاطر انا متقدم بمقترح قانون لنقابة إنشاد مستقلة بمجلس النواب للمنشدين فقولتله ودا ماله ومال الأزمة اللي إنتوا اختلقتوها طيب" .
وتابع قائلًا: "ابعتوا هاتوا الناس حققوا معاهم لأن انتوا خالفتوا اللائحة انتوا نزلتوا لي قرار إيقاف بدون إنذار اول وبدون انذار ثان وبدون تحقيقات وهذا مخالف للائحة فمعملوش أي حاجة ف اضطريت أني أروح اشتكي النقابة الفرعيه في أسوان في نيابة أسوان وصدمت ان النقابة العامة نقابة المهن الموسيقية باعتة جواب لنيابة أسوان اني كنت في الحفلة ورحت سددت الرسم النسبي بتاع الحفلة في النقابة العامة وتصالحت ودا تزوير طبعا لأن انا مرحتش ولا تصالحت ولا سددت رسم" .
وأضاف تهامى أيضًا " طب فين الإيصال اللي يثبت اني سددت رسم نسبي أو فين التصالح فترتب علي الموضوع دا طبعا أن أنا رفعت شكوى ضد النقيب وضد المحرض الأساسي اللي هو سكرتير عام النقابة ومنها وحتي هذا التوقيت مخدتش حقي.
والنقابة مش راضية تطلع أي بيانات وطلعت بيانات للأسف ضدي في الإعلام آني موقوف واني مخالف للقانون طيب مخالف للقانون ليه؟ هو اللي يروح يتقدم بمقترح قانون في مجلس النواب يبقي خالف القانون؟ ... يعني انا روحت فين هو انا روحت دولة تانيه دا مجلس النواب خاص بالأمة يعني بالبلد كلها .
وأضاف :" وكمان مش انا اللي تقدمت بالمقترح القانوني اللي تقدم بيه عضو مجلس شعب بموافقة ستين من الاعضاء ففين المشكله؟ .. فالموضوع للأسف كان فيه تعنت وانا طبعا أناشد قضاء أسوان وأناشد القانون يجبولي حقي.
وبسؤاله هل وجدت دعم أو أي معارضات بعد اثارة هذة المشكلة ، ورد وقال أنا طبعا للامانة حاولت الفترات الاخيرة أن الموضوع يتم "بشكل ودي" بعيدًا عن الإعلام حفاظًا علي شكلنا كلنا لآن النقيب هاني شاكر أسم وتاريخ وانا برضو أسم وتاريخ ومجلس الإدارة طبعا في ناس محترمين وكبار .
لكن لما فوجئت بتجاهل تام من النقيب وأعضاء المجلس قلت خلاص برضو تقريبًا هم مش عارفين قيمة الإنشاء والمنشدين فأحنا لازم نعرفهم فطلعت وتحدثت والحمد لله كما كان متوقع كل الداعمين للفن الهادف في مصر وكل الفنانين وكل المندشين وكل والصعايده كلهم من امبارح الدنيا مقلوبه وللاسف اتقلبت اكتر لما رفض النقيت هاني شاكر أنه يدخل معي في مكالمة تليفونية في نفس الوقت تاني يوم عمل مؤتمر لحسن شاكوش.
وبسؤاله اذا حاولت التواصل مع هانى شاكر خلال هذة الأزمة، ورد وقال ؛ حاولت قبل كدة ولكن لم أجد أي رد فعل فاضطريت اني الجأ إلي القانون وبالمناسبة هما من امبارح بيحاولوا يتواصلوا معايا وانا اللي رافض .
وأضاف؛ "انا طالب من الدولة ونيابة أسوان التحقيق بجدية في الموضوع ويبعتوا يستجوبوه ويسألوه سؤال صريح انت بعت ما يفيد أن محمود التهامي كان في أسوان وراح النقابة دفع الرسم النسبي وشيخ الناحية في أسوان وشهود مع محمود التهامي أفادوا أن الشيخ محمود مكنش في أسوان اليوم دة ومكنش في أي حفلات..لذلك يجب يستجوبوه ويشوفوا رده أي وهو مش أكبر من القانون علشان ميرحش يعني.
وأضاف أنا بتمني أن صوت الحق يظهر أنا صعبان علي للأسف نيابة أسوان بطيئة لينا سنه ونص مش عارفين ناخد حقنا فلازم يكون في ضغط إعلامي علشان يستجيبوا.
أقرا أيضا|a href="https://akhbarelyom.com/news/newdetails/3806517/1/%22%D8%A7%D9%84%D8%B1%D9%88%D8%B3%D9%89%22-%D9%8A%D8%AD%D8%AA%D9%81%D9%84-%D8%A8%D8%B0%D9%83%D8%B1%D9%89-%D8%AB%D9%88%D8%B1%D8%A9-30-%D9%8A%D9%88%D9%86%D9%8A%D9%88-%D9%88%D9%8A%D9%86%D8%B8%D9%85" title="" الروسى" يحتفل بذكرى ثورة 30 يونيو وينظم حفلًا موسيقيًا ""الروسى" يحتفل بذكرى ثورة 30 يونيو وينظم حفلًا موسيقيًا