في الحب..عامل الأنثي كما تُحِب أن تُعامل

يحاول كل طرف في أي علاقة من القيام بالأمور التي يحبها الطرف الآخر، و يحرص علي تجنب ما يضايقه حتي تستمر وتيرة الاستقرار بينهما.
و يوجد بعض الأمور التي قد لا يلاحظها الرجل وتضايق أي امرأة، و التي منها القيام بأمر ما معها و فعله مع الأشخاص الآخرين ولو حتي شيء بسيط.
تود المرأة أن تري من الرجل الكثير من الأمور التي لا يقوم بها مع غيرها، و أن تكون كل أفعاله معها غير قابلة للحدوث مع أي امرأة غيرها، و قد يري الرجل أن هناك بعض الأمور التافهة و التي يفعلها علي سبيل التلقائية، إلا أن المرأة قد تشعر بالأذي الداخلي الذي قد لا تظهره عندما تجد بعض الأمور التي يقوم بها حبيبها معها تحدث مع أخريات غيرها.
و قامت بوابة أخبار اليوم برصد عدد من الآراء حول هذا الموضوع، و كانت بعضها كالتالي :
قالت "رحمة" أنا مش بهتم بالموضوع ده، عشان لو فضلت أضايق على كل حاجة من تصرفاته معايا و بتحصل مع الناس سواء صحابه الولاد أو البنات هفضل مضايقة كتير، و خصوصا إن طبيعة الراجل و الست مختلفة كل واحد فيهم بيفكر بشكل مختلف.
و علقت "خلود" الممنوع مرغوب، لو حسسته بإن حاجات كتير بتضايقني عشان بغير من الحاجات دي، يا إما هيتخنق يا إما هيعملها من ورايا، فحتى لو البنت اضايقت و ده طبعا حقها إلا إنها كمش مفروض تبين نهائي، عشان الراجل ميخبيش عليها.
و شاركت "مروة" أنا ببقى هتجنن، لأني لما بحس إنه بيتصرف معايا بطريقة وفجأة ألاقيها مع ناس تاني غيري بحس إن مافيش فرق، حتى لو بيعمل حاجات معايا تاني مش بيعملها بس بحس إن الحاجات اللي بنا ومش بتتعمل مع غيري أقل من اللي كنت متخيلاه.
و أجابت "هبة" طبعا حاجة بتغيظني جدا، ومش بعرف اسكت، لأني لو سكت هو مش هيحس باللي بيوجعني، وهيفضل يعمله من غير ميحس، و لازم يحط نفسه مكاني معتقدش إني لو بهرج معاه ولا بقوله كلمة معينة و جيت قلتها لحد هيبقى عادي بالنسباله.