شكاوى من أسئلة الفلسفة والمنطق بالقليوبية

سادت حالة من الحزن بين طلاب الثانوية العامة في امتحان الفلسفة والمنطق اليوم، بمختلف لجان محافظة القليوبية، بسبب صعوبة أسئلة الامتحان.
واشتكى الطلاب من الجزئية الثانية في السؤال الأول، والسؤال الثالث والسادس، حيث كانت الأسئلة بها تعقيدات وجاءت بعيدة عن المنهج بالإضافة إلى أن الامتحان يحتاج إلى وقت أطول من الوقت المسموح.
وقال إبراهيم "الأسئلة كانت محتاجة لتفكير كتير عشان مكنتش مباشرة ومش اي حد يفهمها بسرعة".
وأضاف علاء "السؤال الثالث كل سنة كان بيجي صح وغلط.. السنة دي جه اختياري وقعدت أفكر فيه كتير وكان محير جدا".
وأضافت شيماء "الفلسفة كانت صعبة النهاردة والسؤال السادس والثالث لغبط فيهم كتير وربنا يستر وانجح السنة دي عشان الامتحانات معظمها صعبة".
وقال أحمد "الجزئية الثانية من السؤال الأول معرفتش فيها حاجة ومكنتش عارف السؤال عاوز ايه اصلا".