عاملة نظافة في محطة رمسيس: حادث قطار محطة مصر يوم مش هنساه.. أنا شوفت اللي شعره مولع واللي عريان واللي مرمي على الرصيف

روت إحدى عاملات النظافة بمحطة مصر ل"أهل مصر" شهادتها على حادث قطار محطة مصر، الذي وقع صباح اليوم، حيث اصطدم جرار قطار برصيف 6 بالمحطة، ما أسفر عن سقوط عدد من الضحايا والمصابين.
وقالت "الحاجة فاطمة" شاهدة العيان على حادث قطار محطة مصر:
"كنت أعمل كأي يوم عادي وفجأة وجدت القطار يدخل إلى الرصيف بسرعة غير عادية وسمعت صوتًا ينادي إلحق يا محمد.. إلحق يا محمد، وفي لحظات اصطدم القطار بالحائط واندلعت النيران في منظر مروع، فيما تعالت أصوات الصراخ والآهات لتملأ المكان من حولي"
مقدرش أنسى اليوم ده
وأضافت: "زميلي اللي شغال معايا اتحرق، أنا شوفت الناس اللي شعره مولع واللي عريان واللي النار ماسكة فيه ومرمي على الرصيف مش عارف يعمل إيه والناس كلها بتصوت، دا حتى اللي شغال ف الكُشك اتحرق وأخدوه على المستشفى، والناس ولعت واللي طار من القطر وفي اللي لزق في الكرسي.. أنا مقدرش أنسى اليوم ده، المنظر كان فظيع".
وبسؤالها عن عدد الضحايا المصرح به، والذي يشير إلى وجود 20 حالة وفاة، أجابت: "دا كتير جدا دول بيقولوا كده وبس بيضحكوا على الناس، أنا شوفت بعيني".