الإعلامية لميس سلامة عن تكريمها في ختام مهرجان المركز الكاثوليكي: اتفاجئت على المسرح

عبرت الإعلامية لميس سلامة، عن فرحتها بتكريمه في حفل ختام مهرجان المركز الكاثوليكي المصري للسينما في دورته ال70 بواسطة الأب بطرس دانيال مساء أمس.
حيث شاركت متابعيها عبر حسابها الشخصي بموقع التواصل الاجتماعي 'فيس بوك' وعلقت قائلة: 'لما التقدير يجي في الوقت المناسب بعرف إنها رسائل ربنا ليا إللى بيطمني وبيهون عليا بيها، الحمدلله إتفاجئت وأنا على المسرح ب الأب بطرس دانيال، رئيس المهرجان إنه محضر ليا التكريم وفاجئني بكلامه عني وتكريمه ليا'.
وتحدثت لميس عن حلمها: 'وبالمناسبة أنا فرحانة أوي بالتكريم ده لإنه أول تكريم حقيقي الحمد لله أستحقه، المهرجان ده أنا كنت بغطيه من وأنا مراسلة صغيرة في كل القنوات اللي اشتغلت فيها وكان أمنية حياتي أطلع مرة القاعة وأتفرج على النجوم الكبار وأعيش أجواء المهرجان ده إللي أتكرم فيه عمالقة الفن من أيام زمن الفن الجميل'.
وأضافت: سبحان الله تمر السنين وربنا يراضيني وأول مرة أدخل فيها القاعة التاريخية دي أكون أنا إللي بقدم المهرجان ودي كانت السنة التانية على التوالي إللي بقدمه فيها بكل الحب والشغف والمتعة والسعادة، ألف حمد وشكر ليك يارب.
وختامًا قائلة: والفضل الكبير بعد ربنا للأب الغالي بطرس دانيال، الإنسان المحب للجميع المتواضع إللي بيقدر الصغير قبل الكبير وبيدي كل واحد حقه وبيقف جنب الكل في المواقف الصعبة قبل الحلوة، شكرًا للمركز الكاثوليكي المصري للسينما ولإدارة المهرجان إللي بتشرف إني بقالي سنتين بقف على خشبة مسرحه التاريخي والعريق، اللهم لك الحمد يارب.