كان راجل ملو هدومه مع إنه غرقان فى همومه صغير لكن كبير فى نصاحته من يومه كان بيأكلنا البطاطة م احنا منعرفش الجاتوه الجاتوه بياكلوه الغتاته اللى سرقونا وسرقوه قتله الجاهل بعباطة بطلقه بدل الشوكلاته!! كان يحبوا تاتة تاتة ملحقش يفرّح أبوه نايم الواد العسل ع الأرض زى القمر معرفش إيه اللى حصل خلاهم يقتلوه كان نفسى أضمه وأقوله حزنك ملانا يكون فى عون أمه وأخواته الحزانى يا مصر مالنا كده بقينا متبهدلين يرضيك كل دا من ناس مسلمين؟ الدم عاد رخيص والاسم مبقاش عالى يا مصر ليه الخسيس يقتلنى فى عيالى كنتى زمان أم وحضن بضم بقيتى ليه يا جمالى ليالى تُغُم فارقت قلوبنا الأفراح وسكنت عيونا الجراح وبقينا محزونين والمسئولين نايمين كما الأشباح لك رب يا عمر والحق مش نايم القتل لا يُغتفر وربنا ع الظالم