* يا شعب مصر فين راحت ضحتك فين نكتك فين خفتك فين أفشتك إيه إللى جرالك قول إيه سكتك يكنش ده ضعف إيمان خلى العلل مسكتك ؟ وعجبى * صدقوا إللى قالوا قابلينا ما الدنيا إلا مسرح بنعيش فيها يوم نحزن ويوم نفرح فيها الأغراب تداوى وفيها القرايب بتجرح وفيها كتير من الحكاوى تخللى العقول تسرح ! وعجبى * ياللى قطعت رحمك إجرى بسرعة إوصله هتلاقى ربنا رحمك على طول مدام توصله أصلك لو قطعته ما هيقبل شىء تعمله وكمان هتشوف عذاب ما هتقدر تتحمله وعجبى * يا مصرى إصحى وفوق وكفايا بقى نوم ولا أنت عاوز كده مظاهرة كل يوم خليك ديما على رأيك وبلاش تعوم عالعوم دا عدوك متربصلك و ديما حواليك بيحوم وعجبى