وانسدت نِفسنا يا خسارة يا بيتنا عملناها ف نَفسنا -------- مين همه همك مين يا حلوة الحلوين مين قلبه حبك مين يا غنوة العاشقين هرب البرادعى بدرى ومرسى همه الكرسى وفتوح ضرب حمدين وطظ فى الملايين ------- اللعب بعقولنا توهنا فى همومنا بَهت خلاص لونا وإسمنا بقى مين ------- كنا زمان حاجة ضمير وحب ولين دى الوقتى محتاجة الحلوة حبة دين --------- محتاجة ننكر ذاتنا نغسل وشوش حياتنا م الخيبة اللى جاتنا من عهد زفت الطين ---------- إتقتلت فرحتنا يا فرحة النصاب هو اللى وَصَلنا لحرقة الأعصاب فينك يا عم سادات يا جمال يا طلعت حرب يا سعد الوفد مات مين اللى سارع الدرب ------- الكرسى شعللها والمرسى كملها وشفيق طريق جيله على مين هيهيله تراب نظام بائد شكله كده عائد ناوى يضلمها واللا يهللها بيقول كلام واعد خايف ينيلها -------- قومى يا أم الخير م القبر م الأضرحة أعدائك يا حلوه كتير سنو لك الأسلحة قومى على حيلك يا مصر راح ليلك جايز يكون مصلحة وكلام مهوش أنزحه يرمينا فى المذبحة ومنها آه يا ويلك -------- سايله الدموع على طول من عُمر إبنى البكر تلاتين سنة يا فلول توهتوا منى الذِكر أنا فين ومين أكون أنا إبن مصر الحُر واللا مجرد إسم مكتوب فى كشف الكون مصرى فقط بالإسم حقوقى ليه ضايعة ما بين عيال صايعة بايعة البلد بايعة وبين فلول مايعة لسة ف جحور القِسم وبأشيل انا فى الإثم بعده حروح على فين --------- ماتت حياة الفرحة بالعُرس يا أم الطرحة ليه الأمل مهدود والميه ليه مالحة -------- مفيش أمل مفقود طول م ربنا موجود يا رب إمتى تعود أم العيون السود للغنوة والفرحة وتعيش كما الدنيا عيشه مهيش دُنيا عيشة بنى آدميين مالكيين ولييهم حق واللى يقول لأ مسكين معندوش دين إخترتى مين يا ثورة واللى إختاروكى فين فين الصبايا الحُرة والولاد المحترمين إنتاج نظام فاسد مادد إيديه الاتنين ثابت القدمين فارد عضلاته ميهمش اللى ماتوا ميهمش الجرحى إبنك خلاص فاته يعدلك الطرحة مسكينة يا أم الدنيا مسكينه يا بهيه مسكينه يا عَلِيَه يا أم العيون حلوين ----------------------