انتقدت صفحة كلنا خالد سعيد على موقع التواصل الاجتماعى الفيس بوك ما يفعله المتظاهرون أمام السفارة السعودية من يفط استفزازية وجرافيتى مهين واصفة الأمر بأنه تحول لاستقواء عضلات يسىء إلينا ولن يخدم قضية الجيزاوى، أو يراعى مصلحة أكثر من 2 مليون مصرى فى السعودية، مؤكدا أن "أخذ الحق صنعة". وأعلنت رفضها أن تتحول أزمة الجيزاوى إلى سيناريو الغضب الشعبى بين مصر والجزائر بعدما ما حدث بعد مباراة كرة القدم الشهيرة بالسودان. ووجهت الصفحة سؤالا للمتظاهرين أمام السفارة السعودية قائلة :"سؤال للإخوة اللى بيتظاهروا دلوقتى أمام السفارة السعودية: هل اللى بيتعمل دلوقتى بيخدم قضية أحمد الجيزاوى وبيراعى مصلحة أكتر من 2 مليون مصرى فى السعودية؟، فيه فرق بين إننا نطالب بحقوقنا وننتزعها بالقانون ونضغط على حكومتنا للدفاع عن حق الجيزاوى وكل المصريين المعتقلين ظلما فى السعودية وبين إننا نحوّل الأمر كله لاستقواء عضلات هيسىء لينا ولن يخدم قضيتنا.. آسف عارف الكلام مش هيعجب ناس كتير بس الحق أحق أن يتّبع وأخد الحق صنعة!" وتوضيحا لموقف الصفحة من قضية أحمد الجيزاوى قالت:" إحنا مش ضد التظاهر قدام السفارة السعودية وكمان بندعمه هو وأى تظاهر أمام سفارة لا تحترم المواطن المصرى، إحنا بنتكلم عن اللى بيحصل فى المظاهرة من الكتابة على حوائط السفارة واليفط بتاعتها .. إحنا من أوائل الصفحات اللى فتحت قضية أحمد الجيزاوى وهنفضل نطالب بحقه .. حقه إنه يرجع بلده معزّز مكرم بعد ما يعمل العُمرة كمان .. ويخرج أى مصرى مظلوم فى سجون السعودية.. بس ده يحصل بضغطنا على حكومتنا مش تحويل الموضوع لخناقة بين دولتين بالتالى بين شعبين.. افتكروا سيناريو الجزائر ومسلسلات الغضب الشعبى بين الشعبين المصرى والجزائر قبل ما ننساق لسيناريوهات تضرنا قبل غيرنا .. تانى: أخد الحق صنعة!" موضوعات متعلقة : ◄ بالصور.. وقفة احتجاجية أمام القنصلية السعودية بالسويس تضامنًا مع الجيزاوى ◄ محامون ونشطاء يطالبون بطرد السفير السعودى ردا على اعتقال الجيزاوى ◄ رؤساء 10 أحزاب يلتقون السفير السعودى لحل أزمة احتجاز الجيزاوى ◄ مصدر ل"اليوم السابع": الجيزاوى محتجز بجهة أمنية لا يعلمها أحد ◄ 6 إبريل ل السعودية: لو أن الجيزاوى أمريكياً لكانت لمست أنوفكم الأرض