سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
الرئيس السيسي فى قلب مشروعات تنمية "عروس الصعيد".. يرحب بأهالى المنيا ويشاركهم تناول الإفطار.. يلتقى أطفال برنامج "كابيتانو مصر".. ويتفقد مشروع سكن لكل المصريين بالمنيا الجديدة.. يؤكد: بحب كل الناس.. فيديو وصور
* الرئيس السيسى لمتطوعى حياة كريمة: بشكركم على جهدكم.. حاجة تفرح وتشرف * الرئيس السيسى يوقع على كرة خلال لقاء الأطفال المشاركين فى برنامج "كابيتانو مصر" * الرئيس السيسى يستجيب لطلب تلميذ بمدرسة المتفوقين للعلوم فى المنيا * الرئيس السيسى فى صورة تذكارية مع الأطفال المشاركين فى برنامج "كابيتانو" * الرئيس السيسي: الحكومة مش فى الناحية التانية من الشعب.. ومسئوليها من أهالينا * الرئيس السيسى يقبل رأس والدة شهيد.. ويؤكد: "أنا أتشرف بيكى" * الرئيس السيسى يتفقد مدرسة المتفوقين بالمنيا الجديدة ويشهد عروضًا فنية * الرئيس السيسى لأهل المنيا: نحتاج الإخلاص والعمل.. والدولة تخفف الأعباء * أهالى قرية المعصرة بالمنيا يرحبون بالرئيس السيسي: "زيارتك تشريف لنا" * الرئيس السيسي: "بحب كل الناس ونفسى أشوف الكل.. وأنا مش فى برج كبير" * الرئيس السيسى يشكر أهالى قرية المعصرة بالمنيا: "شكرا على كلامكم الحلو"
حرص الرئيس عبد الفتاح السيسى، على تناول الإفطار مع أهالى قرية المعصرة والحديث مع أهل القرية، كما وجه الشكر والتقدير لكل القائمين على العمل التطوعى فى مشروعات حياة كريمة قائلا: "بشكركم على الجهد اللى انتوا بتعملوه وحقيقى حاجة تشرف وتفرح..دى ثالث محافظة ادخل فيها الاقيهم موجودين.. طبعا كل محافظة بتقدم شبابها.. حاجة تسعد وكمان المفروض انتوا كما تكونوا سعداء وفخورين باللى انتوا بتعملوه لأن احنا سعداء وفخورين بالعمل اللى انتوا بتعلموه". وأضاف الرئيس السيسى خلال كلمته على هامش زيارته لمحافظة المنيا: "متحرموش باقى شباب المحافظة والشباب الصغير.. فهمومهم أن ده جميل قوى ونعمل حاجة حلوة قوى لبلدنا ونشتغل عليها.. شايفين المنظر بقا عامل ازاى بيكم؟ ونقدر نعمل اكتر من كده بكتير.. متشكر جدا باسمى واسم كل المصريين وباسم المحافظة بنشكركم شكرا جزيلا". وعبر الرئيس عبد الفتاح السيسى عن سعادته باستقبال أهالى قرية المعصرة فى محافظة المنيا، قائلا: "شكرا على الاستقبال ده والكلام الحلو ده.. ده كلام حلو طالع من قلبكم.. حاجة تفرحنى وتشرفنى جدا.. قولت الكلام ده فى سوهاج وفى المحافظات اللى بنزلها دلوقتي".
وأكد الرئيس عبد الفتاح السيسى، أنه يرغب فى زيارة كل الأماكن فى مصر، متابعا: "أنا بتمنى أنزل وأشوف كل الناس.. صدقونى.. لأنى بحب الناس وزى الناس.. زيكم كده.. صحيح يعنى.. يعنى مش فى برج كبير ولا حاجة". وأضاف الرئيس السيسى، خلال تناول الإفطار مع أهالى قرية المعصرة: "أختى بتقول أنا والدة شهيد.. الاستقرار اللى حصل ده تمنه ولاد كتير من ولاد مصر.. وبنات من بنات مصر.. وشوفتوا هنا فى المنيا.. حاولوا يعملوا الفتنة علشان يخربوا بلدنا.. والبلد تسع لينا كلنا.. اللى منع ده كل أسرة مصرية زى أختى اللى قدمت ابنها ومحدش شافها.. ومحدش يعرفها.. وأنا أتشرف بيكي.. مهما كرمنا مش عملنا حاجة.. يديكى العافية والصحة ويصبرك ويراضيكى".
وحرص الرئيس عبد الفتاح السيسى، خلال تناوله الإفطار مع أهالى قرية المعصرة بمحافظة المنيا، على تقبيل رأس والدة أحد الشهداء.
وقال الرئيس السيسي: "أختى بتقول أنا والدة شهيدة.. الاستقرار اللى حصل ده تمنه ولاد كتير من ولاد مصر.. وبنات كمان من بنات مصر.. وأنتوا شوفتوا هنا فى المنيا فى كتير من محافظات.. حاولوا يعملوا الفتنة علشان يخربوا بلدنا.. والبلد تسع لينا كلنا وقدنا 10 مرات.. اللى دفع التمن فى الاستقرار مش الإرادة.. اللى منع ده كل أسرة مصرية زى أختى اللى قدمت ابنها ومحدش شافها.. ومحدش يعرفها.. وأنا اتشرف بيكي.. مهما كرمنا مش عملنا حاجة.. ويديكى العافية والصحة ويصبرك ويراضيكي".
ورحب عدد من أهالى قرية المعصرة بمركز ملوى، بالرئيس عبد الفتاح السيسى، خلال زيارته لمحافظة المنيا.
وقالت إحدى السيدات: "حضرتك أول مرة تنزل محافظة المنيا، وشريف لنا ولكل شمال الصعيد تواجد حضرتك معانا فى القرية، وشكرًا على مشروع حياة كريمة الذى أضاف لنا مزيدًا من التطورات".
وقال أحد أهالى المنيا، موجها حديثه للرئيس السيسي: "أهلًا وسهلا بسيادة الرئيس المحترم.. رئيسى عبد الفتاح السيسى، أهلا وسهلا فى مركز ملوى التابع لمحافظة المنيا، وربنا يحفظك"
ورد الرئيس السيسى التحية لأهالى قرية المعصرة، قائلا: "شكرا ليكم.. الدعوات دى جميلة والاستقبال يسعدنى ويشرفنى، والله استقبالكم ده والكلام الحلو اللى انتوا بتقولوه واللى طالع من قلبكم حاجة تفرحنى وتشرفنى جدا".
وتفقد الرئيس عبد الفتاح السيسى، عددا من وحدات الإسكان الاجتماعى ضمن مشروع سكن لكل المصريين، ضمن افتتاح عدد من المشروعات الجديدة بمدينة المنيا الجديدة.
وتحدث الرئيس عبد الفتاح السيسى، مع سيدة من محافظة المنيا تطرقت فى حديثها عن الرقابة على المشروعات الجديدة، كما تفقد الرئيس مدرسة المتفوقين بمدينة المنيا الجديدة، ويشهد عددًا من العروض الفنية بالمسرح المدرسي.
واستجاب الرئيس عبدالفتاح السيسى لطلب أحد تلاميذ بمدرسة المتفوقين للعلوم والتكنولوجيا بمدينة المنيا الجديدة، ووقع على نموذج صورة، بعد طبعها بأحد آلات التصوير التى ابتكرها طلاب المدرسة.
كان الرئيس السيسى قال خلال تناول الإفطار مع عدد من أهالى ومواطنى المنيا: "أختى بتقول أنا والدة شهيدة.. الاستقرار اللى حصل ده تمنه ولاد كتير من ولاد مصر.. وبنات كمان من بنات مصر.. وأنتوا شوفتوا هنا فى المنيا فى كتير من محافظات.. حاولوا يعملوا الفتنة علشان يخربوا بلدنا.. والبلد تسع لينا كلنا وقدنا 10 مرات.. اللى دفع التمن فى الاستقرار مش الإرادة.. اللى منع ده كل أسرة مصرية زى أختى اللى قدمت ابنها ومحدش شافها.. ومحدش يعرفها.. وأنا اتشرف بيكي.. مهما كرمنا مش عملنا حاجة.. ويديكى العافية والصحة ويصبرك ويراضيكي".
وقال الرئيس خلال الفعالية: "انتى بتتكلمى عن الرقابة.. الرقابة من مين وعلى مين؟.. اللى شغالين دول احنا، ومش معناه أنه مفيش رقابة.. انتبهوا.. اللى بيشتغلوا أهالينا وإن قصروا.. الحكومة مش الناحية التانية وده أمر خطير اتعمل خلال السنين فاتت.. وهو اللى أدى لمشكلة فى 2011.. الحكومة فى حتة وبقية الشعب فى حتة، فبقت الحكومة عدو، والعدو نهده.. الحكاية اتعملت كده، لو ماخدناش بالنا".
وأضاف الرئيس السيسى، خلال تناول الإفطار مع أهالى قرية المعصرة: "الجهاز الإدارى فيه 6 ملايين يعنى 6 ملايين أسرة يعنى 30 مليون مواطن.. لو الأسرة 5 أفراد أب وأم من 2 – 3 أطفال.. 30 مليون.. طب النهارده هنا فى موظفين قاعدين معانا طبعا.. فيه هنا مسئولين أكيد.. انتى تقولى بقى هننتهز الفرصة إنك موجود وأكد على كل مسئول معانا فى المنيا يخلى باله من شغله.. يبقى احنا كده بنتكلم كلام مناسب للظروف الحياتية بتاعتنا.. ويارب أقدر وأسمع وأعمل".
وتابع الرئيس السيسي: "كمان نقول لبعضنا هنا، أن أخويا وأبويا وابنى اللى شغال فى مكان ما، البلد محتاجة إخلاصك وأمانتك وعملك.. الإخلاص والأمانة والعمل.. وانتوا بتشوفوا دول أكبر مننا وأغلى مننا.. بتعانى من ده.. أتمنى من الله نفضل متماسكين شعب ودولة، واحنا من جانبها دولة تخفيف ما أمكن على الناس، احنا مع بعض بنعملها.. طول ما احنا بخير وسلام وأمان.. الحمد لله رب العالمين.. الحمد لله رب العالمين.. متشكرين وكل سنة وانتم طيبين".
وقال الرئيس السيسى، فى نهاية كلمته: " أنا سعيد بيكم واتشرف بيكم.. اطمنوا على مصر بيكم.. مصر قايمة بيكم.. وبتطلع بيكم.. وهتطلع لقدام بيكم انتم". وتحدث الرئيس عبد الفتاح السيسى، مع إحدى سيدات محافظة المنيا قائلا: "انتى بتتكلمى عن الرقابة.. الرقابة من مين وعلى مين.. اللى شغالين دول احنا.. ومش معناه أنه مفيش رقابة.. انتبهوا.. اللى بيشتغلوا دول أهالينا وإن قصروا.. الحكومة مش فى الناحية التانية.. وده أمر خطير اتعمل خلال السنين اللى فاتت.. وهو أدى إلى مشكلة فى 2011.. محاولة تصدير أن الحكومة فى حتة وبقية الشعب فى حتة.. وعمل الحكومة عدو.. فالعدو نعمل فيه ايه.. نهده.. الحكاية اتعملت كده.. لو مش خدنا بالنا".
وأضاف الرئيس السيسى، خلال تناول الإفطار مع أهالى قرية المعصرة، حيث حرص الرئيس السيسى على التواجد مع أهل القرية: "الجهاز الإدارى فيه 6 ملايين يعنى 6 ملايين أسرة يعنى 30 مليون مواطن.. لو الأسرة 5 أفراد أب وأم من 2 – 3 أطفال.. 30 مليون.. طب النهاردة هنا فى موظفين قاعدين معانا طبعا.. مش كده.. وفيه هنا مسئولين أكيد.. انتى تقولى بقى هنتهز الفرصة أنك موجود وأكد على كل مسئول معانا فى المنيا يخلى باله من شغله.. يبقى احنا كده بنتكلم كلام مناسب للظروف الحياتية بتاعتنا.. واسمع منك يارب أقدر أسمع وأعمل".
وتشهد محافظة المنيا طفرة كبيرة تحققها مشروعات حياة كريمة، والتى تمتد جنوبا وشمالا، مشروعات متنوعة تشمل كل نواحى البنية التحتية من رصف طرق وتعليم وصحة وصرف صحى ومحطات مياه، وغاز طبيعى، إلى مراكز الشباب. والتقى الرئيس عبد الفتاح السيسى، مع الأطفال المشاركين فى برنامج "كابيتانو مصر"، كما شارك فى صورة تذكارية جماعية مع الأطفال المشاركين فى البرنامج الشهير لاكتشاف المواهب الرياضية، وذلك ضمن جولته فى محافظة المنيا.
وحرص الرئيس السيسى، على الحديث مع الأطفال والتأكيد على ضرورة التحلى بالصبر والعزيمة، والجهد والإصرار والتمارين والقرب من ربنا والإرادة والتحلى بالروح الواحدة، ووقع الرئيس السيسى على "كرة" خلال لقاء الأطفال. وتشتهر محافظة المنيا بأنها عروس الصعيد وتعد من المحافظات الزراعية، ومن أهم المحاصيل الزراعية بالمحافظة القطن، القمح، والبصل، وقصب السكر، وقد خطت المنيا خطوات جادة فى مجال الصناعة من خلال صناعات الغزل والنسيج، والصناعات الغذائية، والصناعات الكيماوية، بالإضافة إلى إنشاء المنطقة الصناعية بالمطاهرة القبلية شرق النيل، ومجمع للصناعات الصغيرة ومركز خدمة رئيسية وفرعية، وقد روعى تخطيطها للحفاظ على البيئة، كما تشتهر محافظة المنيا، بالعديد من المناطق الأثرية والسياحية مثل الآثار الفرعونية والقبطية والإسلامية.
