تصريحات جريئة من المذيعة سالى عبدالسلام خلال برنامجها "قصة حقيقية"، الذى يذاع على شاشة التليفزيون المصرى، وهى فى حالة نفسية سيئة للغاية، والبكاء قبل الهواء مباشرة، تسببت فى تصدرها تريند محرك البحث جوجل. سالى عبدالسلام روت قصتها وحقيقة إلغاء زفافها على الهواء مباشرة قائلة "أغلب اللى بنعرفهم مبقوش رجالة.. أنا جيت معظم الحلقات وأنا معيطة، ومش مكسوفة إني أقول كده، أهلي بيستنوا مني إني أكون قوية، لكن اللي حصل المرة دي إني مضايقة قوي، مش هقول إن اختياراتي غلط، لأني مش بختار أصلا، أنا ممكن ألاقيني داخلة في قصة وأنا مخترتش عادي، أنه شخص مناسب، أنا بختار السكينة والمودة والرحمة، مش زي ما الناس بيقولوا إني مش عاجبني العجب بسمعها كتير". سالى عبدالسلام استكملت حديثها على الهواء: "أيوه كنت باجي التصوير كتير جدا معيطة وبالذات الشهر ده، عشان كنت ممنية نفسي إني هيتكتب كتابي وأتجوز، بس الموضوع ممشيش ومحصلش نصيب، لأن أغلبية اللي بنعرفهم مبقوش قد المسؤولية ومبقوش رجالة ومبقوش يستاهلوا، مذيع الاجتماع برضوا ملهوش حصانة إنه يحكى ويتكلم". سالى عبدالسلام تابعت: "الحمد لله يا رب، يمكن أخدت مني حاجات كتير أوي بعد ما كنت منيت نفسي ومتوقعتش أنها هتتاخد مني وفي الوقت ده، الفترة دي كل ما أكلم حد أعيط ويصعب عليّا نفسي، بس أنت عوضتني يا الله". سالى عبدالسلام أول من اكتشفها بتكون مذيعه طارق ابو السعود وبدأت مشوارها الإذاعي في محطة ميجا إف إم من خلال برنامج "خلي بكرة أحلى"، واستطاعت من خلاله أن تفوز بجائزة أفضل مذيعة لعام 2012 بتصويت جماهيري في مسابقة دير جيست، والمرة الثانية فى عام 2015. سالى عبدالسلام تقدم حاليا برنامج "اسمع وافصل" على 9090، وبرنامج "قصة حقيقية" علي القناة الأولي المصرية. سالى عبدالسلام سالى عبد السلام الغاء زفاف سالى عبد السلام اخبار سالى عبد السلام سالى عبد السلام تبكى على الهواء /br/ الموضوعات المتعلقة الإعلامية سالى عبد السلام تعود للتليفزيون المصرى ببرنامج "قصة حقيقية" الخميس، 31 ديسمبر 2020 01:02 ص سالي عبد السلام تقدم "قصة حقيقة" على القناة الأولى قريبا.. شاهد البرومو الجمعة، 25 ديسمبر 2020 09:57 ص سالى عبد السلام تقدم "البرنامج اللى بيقولوا عليه" على ميجا إف إم الأحد، 05 يناير 2020 12:07 ص سالى عبد السلام برفقة شريف مدكور من المستشفى: من حبه ربه حبب فيه خلقه السبت، 11 مايو 2019 01:33 ص سالى عبد السلام ل"كلام ستات": "الرجل طفل كبير وعلى الزوجه احتواؤه" الأحد، 02 ديسمبر 2018 06:54 م